隆記茶室 (Closed)

上星期暴飲暴食，結果搞到有啲肚痛，之後禁食咗兩餐，今日終於好返啲，於是又心癢癢想食啲邪惡嘢，去到隆記茶室，諗都唔諗就叫咗客翻啅雞髀。雞髀嚟講，好難煮得唔好食，呢隻翻啅雞脾同樣食到猴子舔舔脷，外皮脆雞肉嫩，雖然有少少炸燶咗，不過唔影響整體口感。另外薯角亦都炸得唔差，由於係新鮮炸起，裡面鬆軟熱呼呼，甚有口感，不過食嗰陣要睇住熱。至於係咪要「翻啅」，老實講，今次已經係猴子第二次食，只係上次忙得滯，所以唔寫食評而已。