打者愛也火煱專門店 (Closed)

朋友介紹，前天去『打者愛也』食火鍋，入到去𥚃面，都幾乾淨企理，服務員也很有禮貌(但比較新)，一心只係想打個邊爐，點知經理見我們成十個人，介紹我們食兩個「乾鍋系列」，四川麻辣雞鍋及秘制家傳鵝鍋，等咗約十分鐘(應該唔駛)，嗅到一陣麻辣香味，原來個雞煲已經在枱面上，但仍未食得住，服務員仲要在你面前‘兜兩兜’焗一焗先食得，食落D雞很滑，D配料又香，另外個鵝煲做法差不多，但味道同雞煲完全不一樣，D鵝完全沒有那種「蘇」味，味道有些少帶甜。食完兩個煲，大家記得一定要Order兩碟刀削麵，將D麵撈落個雞煲及鵝煲內，所有精華俾D刀削麵吸曬，真係正到無朋友呀！其他火鍋配料也很新鮮，安格斯牛頸脊、鮮蟹肉餃、時令海鮮等等。最後朋友仲問，個雞煲同鵝煲有無外賣添呀!