一開始都係比傳聞中嘅$10生蠔吸引左去食🦪（餐牌上無的，去到餐廳問店員就有），雖然唔大隻，但真係完全無食到唔新鮮嘅味道！可以過足口癮😋亦唔需要一叫就要叫一打，叫一隻都得，想豪食又得，同小鳥胃嘅朋友食都得～
本身見到大家都淨係講生蠔，以為其他食物好一般？但先唔講味道！啲野食真係好適合打卡😍由其係個酥皮龍蝦意粉🦞❤️！平時唔打卡嘅朋友都叫我send翻張相比佢哈哈！！
另外仲有好多刺身揀！見到外面好少會見到嘅龍蝦刺身！🦞（真係好中意龍蝦🤣）但呢個要預訂，所以今次食唔到，想食嘅記得要提早訂！
食唔到龍蝦刺身就叫左一板海膽，咁啱無日本嘅就要左加拿大的，黎到見到好surprise！件件超大超肥！😍😍😍中意海膽嘅絕對可以一試！！！
Pizza叫左「華麗皇室薄餅」🍕，有帶子、蝦、魚子、黑魚子、煙肉、仲有好重芝士！！！淨係見到呢個配料，乜都唔洗講，總之趁熱食！好好食！！🧀🧀🧀
甜品選擇都好正！有cheesecake、焦糖燉蛋、心太軟、tiramisu等等…但我最後叫左churros（西班牙鬼炸鬼）！熱辣辣外脆內軟😍一份都有成6條！！完全夠同朋友share！下次想試埋tiramisu 同焦糖燉蛋🤤
