Video
Read full review
2022-12-18
910 views
🌟餐廳：火鍋隨意門📍地址：銅鑼灣堅拿道西10號冠景樓1樓A室💰價位：～$200 - $400⏰營業時間：星期一至四及日12:00 – 00:00 / 星期五至六12:00 – 01:00📱電話：2178 0600 / 5540 3346冬天真真正正黎到啦！呢幾日氣溫急速驟降~仲諗今晚食咩野? 緊係去打返個邊爐，補下暖啦~今晚收工，約埋同事去「火鍋隨意門」歎返個暖笠笠既晚餐先~「火鍋隨意門」位於銅鑼灣堅拿道西，地點好方便~餐廳裝修時尚，係一間創意感十足既火鍋店，店內不同區域、不同國家作主題，例如中國風、土耳其風裝修及陳設，除左打邊爐，仲可以當去左次旅行，讓眼睛遊歷各國！———————————————————🔹火鍋醬料每枱都擺放左一個火鍋醬料九宮格，有齊各款配料及前菜，如涼伴青瓜，蒜蓉，炸蒜，芝麻，辣椒粒，蔥花及芫茜等等，好整齊咁一碗碗放係九宮格入邊，我地可以按自己既喜好，配搭出心水既火鍋醬料，既方便又窩心~———————————————————🔹招牌花膠雞湯鍋呢個湯底既材料令人嘩一聲~有兩塊超巨型既大花膠，同埋原隻雞件，湯頭則用左大量雞肉熬制，啖啖雞肉精華~店員會安排即場剪開大花膠，逐件
📍地址：銅鑼灣堅拿道西10號冠景樓1樓A室
💰價位：～$200 - $400
⏰營業時間：星期一至四及日12:00 – 00:00 / 星期五至六12:00 – 01:00
📱電話：2178 0600 / 5540 3346
冬天真真正正黎到啦！呢幾日氣溫急速驟降~仲諗今晚食咩野? 緊係去打返個邊爐，補下暖啦~
今晚收工，約埋同事去「火鍋隨意門」歎返個暖笠笠既晚餐先~
「火鍋隨意門」位於銅鑼灣堅拿道西，地點好方便~餐廳裝修時尚，係一間創意感十足既火鍋店，店內不同區域、不同國家作主題，例如中國風、土耳其風裝修及陳設，除左打邊爐，仲可以當去左次旅行，讓眼睛遊歷各國！
———————————————————
🔹火鍋醬料
每枱都擺放左一個火鍋醬料九宮格，有齊各款配料及前菜，如涼伴青瓜，蒜蓉，炸蒜，芝麻，辣椒粒，蔥花及芫茜等等，好整齊咁一碗碗放係九宮格入邊，我地可以按自己既喜好，配搭出心水既火鍋醬料，既方便又窩心~
———————————————————
🔹招牌花膠雞湯鍋
呢個湯底既材料令人嘩一聲~有兩塊超巨型既大花膠，同埋原隻雞件，湯頭則用左大量雞肉熬制，啖啖雞肉精華~店員會安排即場剪開大花膠，逐件放入火鍋~花膠厚身又綿滑，索埋雞湯食好滿足，雞件肉質軟熟啖啖肉~重點係個湯底，濃濃既雞湯，忍唔住飲左兩碗先打邊爐HAHA，好暖身呀~
———————————————————
🔹手切頂級安格斯牛肉
呢個手切頂級安格斯牛肉擺盤好吸晴！牛肉既油脂分布均勻，手切厚度適中，啖啖濃郁牛肉味及牛脂香味，打邊爐一流~
———————————————————
🔹伊比利亞橡果豬
豬肉質素佳，薄切肉質好嫩滑，而且食到啖啖橡果香味，好出色~
———————————————————
🔹餃子拼盤
提供5款餃子：
🔹足料鮮蝦雲吞
🔹新鮮菜苗帶子餃
🔹韭菜豬肉餃
🔹黑松露蟹肉餃
🔹蟹皇豚肉餃
每一款餃子用料豐富大大件~我地最鍾意足料鮮蝦雲吞同埋黑松露蟹肉餃~足料鮮蝦雲吞入邊有超大隻蝦肉，好飽滿~黑松露蟹肉餃加入一梳梳蟹肉，再加入黑松露醬，好香濃惹味~
———————————————————
🔹特盛蔬菜拼盤
一大盤，猶如一盤盆栽咁送上haha~好有心思既擺盤！拼盤有齊油麥菜，唐生菜，娃娃菜，木耳，白蘿蔔，南瓜，蕃茄及金菇，種類超豐富，緊有一款岩心水~我就最鍾意食娃娃菜，又可以索埋濃郁雞湯湯底，啖啖滿足~
———————————————————
🔹足料竹蔗茅根
餐廳好貼題咁以地球儀既容器盛載竹蔗茅根水，夠哂特別~竹蔗茅根水既清甜又降火，打邊爐飲岩哂~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳既裝修富有特色，無論牆身及陳設都擺放返有關國家既特色物品，迎合主題~食物方面，佢地既湯底，菜式，無論擺盤及食材都令人驚喜，好味之餘，亦好岩打卡~店員亦搞笑咁著哂機師服裝，令人真正有搭飛機去旅行既感覺~
Post
