名人館

Open Now

Now Closed

同屋企人食飯，五個大人五個細路，叫咗好多特色菜，滷水鵝肉依然咁滑同好入味，每次嚟必食。荔枝蝦丸香口色香味俱全，名副其實相機先食嘅打卡食物，個人覺得唔使點沙律醬食，更加有蝦味。以前食咕嚕肉，今次食冰鎮咕嚕肉，中間放咗麥芽糖拔絲，又好睇又好食，小朋友最開心。最鍾意係佢陳醋豬手，陳醋味好香濃，好入味又爽滑，最後要加多一碟，前菜當主菜食。竹炭豆腐外脆內軟，很香口，很有口感，未見其他酒樓有依個菜式，非常特別。最難忘係個雞湯花膠雞煲，花膠雞湯很濃郁，深黃色，膠質很重，花膠成個煲咁大好厚身，原隻雞係另外煲，非常滑嫩，成為全晚嘅主角。