老鍋台式火鍋 (京都廣場) (Closed)

今晚約左一班好友出黎吹水打邊爐 ，訂左呢間老鍋試試，地點好方便，一出站就見到，餐牌選擇幾多，牛肉海鮮等價錢都幾合理。門口有個天燈位，可以自己入字落個天燈個度，幾秒後就會自動升起，作為影相位都幾特別。玩左一輪到食野時間，叫左個養生鍋，個鍋好多料，有大大支人蔘，冬菇，杞子，粟米，冰豆腐，大蔥，湯底好香好鮮甜。小食叫左個咸蛋魚皮，呢個整得好出色，咸蛋王香濃，魚皮鬆脆，熱辣辣又唔會腥，一食就停唔到手，邪惡呀😆美國肥牛，份量幾多，肉質幾嫩，肉味夠。火鍋必選嘅爽嫩肥牛！手打墨丸同梅菜豬肉丸，彈牙多汁響鈴夠鬆脆，吸哂湯汁精華醉雞份量好多，而且質素好高，雞肉好厚肉，嫩滑非常。雞脾肉超級好食寛粉條襯濃湯就最啱，QQ 爽滑口感無得輸整體食物質素唔錯，價錢合理，地點方便，座位都好闊落，係唔錯嘅用餐體驗。