順日本料理 (Closed)

位於天后的「順日本料理」已開業30年，裝潢走日系和風設計，主打日式丼飯、壽喜燒及定食套餐，其中厚燒牛舌是必食之選❤️所以我都叫番個牛舌便當😁厚燒牛舌便當 $180包括麵豉湯、前菜、煙三文魚、蕎麥麵及雪糕☺️必食之選！3塊牛舌都超級厚，外圍燒得十分爽口，中間就夠腍，不會韌到咬唔開👍煙三文魚嫰滑帶點煙薰味，入口甘香濃郁。冷蕎麥麵沾著鰹魚汁食，味道清爽，可以中和番牛舌嘅滯膩感。便當仲包括雪糕😍今日係火龍果味雪糕，火龍果雪糕口感綿密幼滑的，食落啖啖火龍果味，味道清新不甜膩！咖喱吉列豬排定食 $148包括麵豉湯☺️即叫即製的厚切吉列豬排！豬排肉質細嫩多汁，表面炸至金黃酥脆的外皮，炸完之後還保持了內裡肉質的軟嫩度，一啲都唔鞋口， 口感充滿層次。日式咖哩甜甜的，味道平易近人，配埋薯仔、紅蘿蔔同雜菜等，下飯一流！清酒煮大蜆 $145蜆肉用上大蜆，味道清甜無沙，蜆肉脹卜卜，而清湯亦滲出微微清酒味道，清酒加上蜆的鮮味，味道香濃美味。凍西洋菜蜜 $18香濃嘅西洋菜味味道又甜甜地，好滋潤！熱檸蜜 $22檸蜜以檸檬加入滋潤蜜糖，味道酸甜、解渴潤喉。