OPPA韓國燒肉店 (Closed)

今日嚟到太和Oppa韓燒餐廳，燒肉放題可以盡情任吃。店內裝修採用街頭藝術風，漂亮嘅壁畫加上電油桶嘅椅子，播放着輕快歌曲，感覺年青嘅自由奔放。先來一個頭盤和牛，用牛牛板盛載牛的不同部位，賣相已經非常吸引。黑毛和牛三角腩~ 只需要輕輕燒兩面已經可以食，牛脂肪含量高，入口即溶。澳洲和牛下腹腩~ 這個較有口感，但不會韌，脂肪量也高。澳洲和牛脷~ 一般都係薄切嘅牛脷，這裏採用長條形切法，另一種口感，非常爽口，一咬落去便感受到牛脷嘅汁香。澳洲和牛封門柳~ 這個好少機會吃到，兩面稍為燒一燒便熟，牛肉味較濃。無骨牛肋肉~ 脂肪分佈比較平均，肉多汁，十分淋，推介。鹿兒島牛柳粒~因為係立方體關係，記得要煎曬六面，但又不能煎得太熟，會韌唔好食，牛肉味香濃。和牛金展~即係牛展，大大塊，有口感，唔錯。五花腩~這個真是不得了，塊五花腩成尺長，把兩面燒熟燒香後，剪開再燒多陣，脆卜卜，正呀！泡菜蛋~把蛋漿及泡菜放入爐邊一個位置，慢慢熟，又香又可口。小八爪魚及魷魚，午餐肉及腸仔部隊Shake Shake 飯~好特別，用一個金屬盒載住飯、煎蛋、泡菜、海帶、芽菜及午餐肉，加入少許韓式辣汁。炸醬麵~平時唔多食這個，味道都唔錯