鱻潮手工私房鍋 (Closed)

想食雞煲+打邊爐好耐，但無奈疫情關係，又唔想出去，出街人多最好都係唔好帶小朋友出去。咁就搵咗幾間有得外賣嘅餐廳啦，發現呢間就有免費速遞嘅，價錢都係四百蚊到。我就果斷訂咗雞煲套餐，連幾款打邊爐嘅配料，連一份牛肉，響鈴，墨丸，鴨血，蝦肉條，素菜盆，讚歧烏冬。每一樣都包裝得好好，排列都整齊，唔會有散或者爛嘅情況，每樣都保持到新鮮。配料就有多款可以自己揀。雞煲味道好惹味，住家飯食得多，好懷念街外嘅重口味，香辣可口，肉質又嫩滑。再配上打邊爐，大家都食得好滿足。