Video
Read full review
2018-05-21
439 views
難得gathering兼慶生，緊係想搵間有feel又可以慢慢食慢慢傾既地方啦，今次我叻喇，搵到間樓上cafe。一出𨋢望到門口已經有輕鬆愉快既感覺，cafe佈置型格簡潔，黑皮梳化配白雪雪既餐枱，半開放式廚房，開揚舒適，雖然地方細細，但都有3張大枱配u型梳化，可以坐到十個人，另外仲有細枱提供。有個小小遊戲閣，提供多款益智遊戲俾客人，可以慢慢食慢慢玩。荔枝紅茶，茶味香荔枝味濃，唔會太甜，非常台式。是日特飲-菠蘿乳酸，酸酸甜甜咁好開胃。凱撒沙律，沙律菜同車厘茄都非常新鮮爽脆，配上酸酸既黑醋汁，絕對有高級西餐廳水準。蜜汁雞肉串，雞肉串燒得夠香，雞肉嫩滑，配埋甜甜既蜜汁，真係好夾。泰式燒豬頸肉，豬頸肉一片片厚薄剛剛好，邊皮微焦又保持到裡面既肉汁，最重要個泰式醬汁，酸酸辣辣，夠晒泰國風味，開胃醒神。無得輸芝士薯條，濃濃既芝士包圍住剛炸起既粗薯條，芝士半溶又香又滑，仲要一d都唔膩，真係無得輸！粟米墨魚餅，望落平平無奇，點知原來足料又彈牙，充滿墨魚味，配埋粟米增加咬口，唔似一般溝粉整果d。吉列珍寶蝦，面層用麵包糠炸到脆卜卜，裡面包住原隻漲卜卜又鮮甜彈牙既珍寶蝦，好有水準。芝士汁焗蔬菜，芝士汁夠香滑，西蘭
一出𨋢望到門口已經有輕鬆愉快既感覺，cafe佈置型格簡潔，黑皮梳化配白雪雪既餐枱，半開放式廚房，開揚舒適，雖然地方細細，但都有3張大枱配u型梳化，可以坐到十個人，另外仲有細枱提供。
有個小小遊戲閣，提供多款益智遊戲俾客人，可以慢慢食慢慢玩。
菠蘿乳酸、荔枝紅茶
11 views
0 likes
0 comments
荔枝紅茶，茶味香荔枝味濃，唔會太甜，非常台式。
是日特飲-菠蘿乳酸，酸酸甜甜咁好開胃。
凱撒沙律
11 views
0 likes
0 comments
凱撒沙律，沙律菜同車厘茄都非常新鮮爽脆，配上酸酸既黑醋汁，絕對有高級西餐廳水準。
蜜汁雞肉串、泰式燒豬頸肉
10 views
0 likes
0 comments
蜜汁雞肉串，雞肉串燒得夠香，雞肉嫩滑，配埋甜甜既蜜汁，真係好夾。
泰式燒豬頸肉，豬頸肉一片片厚薄剛剛好，邊皮微焦又保持到裡面既肉汁，最重要個泰式醬汁，酸酸辣辣，夠晒泰國風味，開胃醒神。
無得輸芝士薯條
5 views
0 likes
0 comments
無得輸芝士薯條，濃濃既芝士包圍住剛炸起既粗薯條，芝士半溶又香又滑，仲要一d都唔膩，真係無得輸！
惹味咖哩角、粟米墨魚餅、、吉列珍寶蝦、蜜糖雞翼
11 views
0 likes
0 comments
粟米墨魚餅，望落平平無奇，點知原來足料又彈牙，充滿墨魚味，配埋粟米增加咬口，唔似一般溝粉整果d。
吉列珍寶蝦，面層用麵包糠炸到脆卜卜，裡面包住原隻漲卜卜又鮮甜彈牙既珍寶蝦，好有水準。
芝士汁焗蔬菜
15 views
0 likes
0 comments
芝士汁焗蔬菜，芝士汁夠香滑，西蘭花新鮮翠綠，最重要焗得剛剛好，蔬菜都keep得住水份。
卡邦尼煙肉扭扭粉
9 views
0 likes
0 comments
卡邦尼煙肉扭扭粉，卡邦尼汁香甜，扭扭粉軟硬適中，面層灑上咸咸既煙肉粒，令味道更有層次。
鮮茄焗招牌香茅豬扒飯
20 views
0 likes
0 comments
鮮茄焗招牌香茅豬扒飯，芝士焗到剛溶既拉絲狀態，豬扒肉質夠滑，有微微既香茅味，配埋個炒底飯，好味過一哥焗既豬扒飯多多聲。
食物水準高，環境舒適，店員姐姐又親切，今日真係非常盡興。
Post
