Fifty Fifty (Closed)

最近去左長沙灣等朋友仔放工，之後就去左附近一間Cafe解決肚仔的需要。個時6點幾，人唔係太多。餐廳播住輕音樂，氣氛Relax。餐廳有晚餐Set，一共有8款比大家揀。餐湯係周打魚忌廉湯，温度夠熱。主菜方面，叫左一份芝士菠菜意大利雲呑。雲呑饀口感芝士味都幾重，掛埋汁認真唔錯。另一份主菜另左燒澳州豬胺架配蜜糖芥末籽汁。厚厚的豬胺架配埋薯菜。豬胺架肉都幾嫩及Juicy另外，餐廳仲有提供小食。由於樣樣都好似好正咁，所以就叫左份小食拼盤，入左除左有單骨雞翼、炸蠔外，仲有炸魷魚圈及炸蝦。最後，我們仲加左$10去跟份是日蛋糕。今日的蛋糕為朱古力芝士蛋糕，朱古力味濃，唔算太甜。最後餐飲方面包$20或以下的餐飲，朋友仔飲檸水，而我就揀左爆谷咖啡。爆谷咖啡味道好可愛，咖啡有點食爆谷後的感覺，而且唔太甜。