Video
Read full review
2021-04-08
32 views
今日嚟到長沙灣，諗住搵間特色cafe嘆下咖啡，打下卡，不過嘆咖啡就醫唔到肚餓嘅！經過一間冰室，見到個叉燒飯 同 清湯腩幾特別，價錢算合理，就入去試試呢間 - 港口味冰室呢間冰室嘅裝修同其他冰室大同小異，但係就有個好搶眼嘅*清湯腩飯*招牌燈，好明顯係招牌菜啦！鎮店清湯牛腩飯($68)：牛腩同飯分開上枱，先試咗個湯底，除咗腩汁之外，會試到有胡椒味，職員都解釋呢個湯底有加入胡椒 同 藥材去熬，對比其他餐廳嘅湯底，會有一陣胡椒藥材味！的確個湯底係無咁油膩，白蘿蔔超級入味，最緊要係無渣，牛腩份量都唔少，食落鬆完，配埋個汁真係掂👍🏻神級粟飼叉燒煎蛋飯($60)：呢道叉燒飯上枱時，睇落無咩特別，係多多一隻太陽蛋，叉燒多多幾嚿，飯又多d咁。試咗嚿叉燒，家燕姐上身咁濟，對比食開嘅叉燒，個色澤偏深色，絕對唔係燶咗，肉質係再厚實d，有咬口d，唔係其他叉燒一咬都散，同埋會有少少肉汁！問左職員個叉燒點解會咁，職員解釋咗唔係加左洋蔥，叉燒係用一種叫 西班牙伊比利亞黑毛豬 去整，肉味係比較濃，而且比較多汁，呢個飯每日都係限量供應架！秘制瑞士雞翼($30/4隻)：4隻雞翼都大大隻，瑞士雞翼最怕就係整得太咸，咁呢度就無
呢間冰室嘅裝修同其他冰室大同小異，但係就有個好搶眼嘅*清湯腩飯*招牌燈，好明顯係招牌菜啦！
鎮店清湯牛腩飯($68)：
牛腩同飯分開上枱，先試咗個湯底，除咗腩汁之外，會試到有胡椒味，職員都解釋呢個湯底有加入胡椒 同 藥材去熬，對比其他餐廳嘅湯底，會有一陣胡椒藥材味！的確個湯底係無咁油膩，白蘿蔔超級入味，最緊要係無渣，牛腩份量都唔少，食落鬆完，配埋個汁真係掂👍🏻
神級粟飼叉燒煎蛋飯($60)：
呢道叉燒飯上枱時，睇落無咩特別，係多多一隻太陽蛋，叉燒多多幾嚿，飯又多d咁。試咗嚿叉燒，家燕姐上身咁濟，對比食開嘅叉燒，個色澤偏深色，絕對唔係燶咗，肉質係再厚實d，有咬口d，唔係其他叉燒一咬都散，同埋會有少少肉汁！問左職員個叉燒點解會咁，職員解釋咗唔係加左洋蔥，叉燒係用一種叫 西班牙伊比利亞黑毛豬 去整，肉味係比較濃，而且比較多汁，呢個飯每日都係限量供應架！
秘制瑞士雞翼($30/4隻)：
4隻雞翼都大大隻，瑞士雞翼最怕就係整得太咸，咁呢度就無呢個情況，加埋蔥花同芝麻仲香口咗
香辣炸薯皇($22)：
外皮炸得香脆，裡面唔會炸到乾咗，灑左少少椒鹽，好食嘅炸薯皇就係咁啦
港式茶走紅豆冰($25)：
呢杯茶走無落太多煉奶，因為紅豆冰嘅紅豆都係甜，係呢方面控制得好好
樽仔奶茶($25)：
樽裝奶茶其實難在keep到個茶味 同 香滑度，咁呢支奶茶係呢兩方面都做得幾好，唔會有太淡 或者 太苦嘅情況出現
Post