茶屋町 (Cheung Sha Wan Road) (Closed)

放假去左參觀美荷樓，咁大個女從來都未黎過，睇完就黎左哩間以鐵道同龍貓做主題嘅小店。佢雖然都有飯食，但最出名一定係抹茶甜品同飲品，價錢貼地，選擇都算多。店內除左有龍貓嘅小擺設，仲播放龍貓卡通入面嘅音樂。抹茶千層蛋糕($26) - 千層蛋糕每一層雖然未算好薄，但都可以接受，蛋糕唔會太乾，抹茶味幾重，中間仲有一層紅豆蓉，一啖食倒抹茶甘白同紅豆香甜，性價比幾高。茶屋宇治金時芭菲($68) - 芭菲大大杯，面層係抹茶軟雪糕，下面有抹茶脆米、紅豆蓉、香橙同抹茶啫哩。抹茶雪糕好滑，抹茶味都好濃。白玉抹茶雪糕($35) - 抹茶雪糕同宇治金時芭菲個雪糕共實係一樣，不過就配白玉同抹茶麻糬，煙煙韌韌都幾好食。抹茶牛乳($32) - 面層雖然係厚厚嘅奶泡，但攪勻之後抹茶味都仲好濃，甘香得黎唔會太苦。總結，無論甜品定飲品抹茶味都好香濃，價錢唔貴，抹茶控好值得試下。