北海道食堂 (Closed)

餐廳環境開揚，座位闊落，坐得舒服，周圍佈滿日式裝飾，好雅致。放題有3款價錢選擇，今次揀咗極盛放題，食物種類多；壽司、卷物、手卷、刺身、鐵板燒、串燒、炸物、一品料理、沙律、火鍋，應有盡有。飲品放響3大雪櫃里面自助任取，飲品當中亦都有啤酒。除咗飲品櫃外，仲有2個雪糕櫃，里面有雪米滋同杯裝雪糕，雪糕同飲品都係任飲任食！極盛放題每位客人都會有一隻鐵板燒大蝦，蝦肉爽口彈牙，味道濃郁惹味。食物當然唔少得叫刺身，油甘魚、北寄貝、鮑片、帶子、蠑螺等等...唔錯！跟住叫左鐵板燒，開放式廚房可以睇到師傅現場即叫即整。鐵板牛扒、豚肉、鵝肝、蝦、魷魚鬚、帶子，樣樣都新鮮熱辣，惹味可口！之後點咗天掃羅，選擇相當多，有海老、池魚仔、多春魚、秋葵、八爪魚丸、冬菇等等...之後又叫咗壽司、手卷、串燒同炸物，最後食咗唔少嘢，大滿足！