三日月

Open Now

Now Closed

無花果沙律，通常日式居酒屋或者燒肉店前菜都會嚟一盤沙律，但係用料用無花果真係好少見，其他配料仲有青豆、車厘茄、蛋白碎、沙律菜，非常refreshing。另外，前菜三小點：煙燻雞肉、柚子汁豆腐、牛蒡，小食非常滋味。主菜有澳洲龍蝦，肉質非常鮮甜，餐廳仲用咗龍蝦本身嘅蝦膏做醬料，令到識落更加濃味。燒肉方面有美國Prime肉眼簿燒，有蘿蔔肉同蔥配搭去食，仲配有幾款醬汁：胡麻醬、麵豉汁等，釋出燒肉嘅唔同層次口感。鐵板燒亦當然唔少得日本野菜同炒飯，先講講個日本野菜，有露筍、香菇、南瓜，最值得一提係個蒜片，配搭返前面個燒簿牛肉簡直一流。用鐵板燒去炒飯亦相當有鑊氣，加埋櫻花蝦、白飯魚、木耳碎一齊炒，非常惹味每粒飯粒都好入味。茶碗蒸亦係呢間餐廳嘅signature，底部放咗黑木耳絲，面嗰陣係魚湯，最上面仲放咗魚子添。