螢火

最近去了尖沙咀呢間日式料理食鐵板燒，食物質素高，最吸引係做緊指定清酒🍶免費任飲（午市90 分鐘），仲有惠顧午市鐵板燒餐可以+$98 換購磯煮鮑魚一隻。好鍾意坐吧枱睇住師傅煮，呢度除咗大廳鐵板燒，亦有Omakase 吧枱，仲有不同大小的鐵板燒房可以book，啱晒同朋友聚餐；另外佢哋有個電子天燈許願，好啱來慶祝。💫鐵板燒午市套餐（月）一人前 $380💫🔶沙律🥗有我很喜歡的冰菜，沙律菜新鮮。🔶鵝肝多士鵝肝厚厚的煎到外層好焦香，入口即化好香，配上有蜜糖的脆多士一齊食好滿足，之後再食件柚子啫喱酸酸地很清新解膩。🔶廣島蠔蠔肉煎香再加上櫻花蝦令到香味更出，廣島蠔肥美肉厚，咬落很鮮味多汁。🔶汁煮白鱈魚師傅將魚皮同魚肉分煎，魚皮煎到脆卜卜，鱈魚肉很鮮嫩，個湯汁加上洋蔥很鮮甜。🔶美國牛肉厚燒牛肉要了五成熟，生熟程度控制得好好，肉質好鬆軟牛味濃，加上炸蒜片吃口感更豐富，特調芥末醬也很夾，還有蒜香炒羽衣甘藍。🔶櫻花蝦炒飯炒飯粒粒分明，加上樱花蝦令味道更香，配埋燶邊太陽蛋好好食。🔶漬物🔶味噌湯🔶甜品： 芝麻雪糕