S2 鐵板燒 (Closed)

今日同朋友慶祝生日，揀左位於佐敦既S2鐵板燒，門口大大個紅色燈籠，非常搶眼😁地方唔算大，如果想坐吧枱最好預先訂坐，當晚平日都全場爆滿，冇卜位既我地，等左一陣先有位，冇吧枱坐😭一坐底侍應就上左茶俾我地先再慢慢揀。茶☕入口甘香，很特別，帶有蔘味。我地各自揀左唔同既套餐我揀左黑豚肉北海道松葉蟹套餐前菜🥗煙燻鴨胸沙律盛合杯及三點刺身胡麻醬非常開胃，沙律菜新鮮爽脆，醒胃一流。三點刺身有牡丹蝦、三文魚及北寄貝。牡丹蝦，肉厚爽甜而三文魚剛好俾左魚腩位我，好肥美。主菜北海道松葉蟹腳松葉蟹肉食出牛油香味，廚師已開邊食落非常方便，一絲絲蟹肉🤤鮮甜廣島蠔鋪滿滿煙肉碎及香蔥，而蠔本身很肥美，兩者非常配合😊黑豚肉厚切配意大利黑醋黑豚肉味濃，肥瘦岩岩好，點了酸甜的黑醋汁，比較不油膩終於到炒飯喇！本身不會太濃味，食出蛋香味，米飯粒粒乾身，好成功既炒飯💋紙包湯好有趣，整包放在鐵板上煮，大大隻蜆、秋葵同海帶，湯很清甜最後食埋雪糕泡芙，飽到一個點了💥好滿足！