S2 鐵板燒

S2 Teppanyaki
455
5
15
7-min walk from Exit A, Jordan MTR Station continue reading
Telephone
28858955
28858278
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
*Lunch Last Order: 14:00 Dinner Last Order: 22:00
Payment Methods
Visa Master AlipayHK Alipay Cash AE UnionPay Apple Pay Google Pay WeChat Pay
Number of Seats
28
Other Info
Prevention of disease
Online Reservation
Alcoholic Drinks
May Bring Your Own Wine
Cake-cutting
Parking
Phone Reservation
Reward Dining Points
TV Broadcast
Spot payment
About
零油鐵板燒 瘦食海膽料理!
多年日本料理經驗樂師傅,每日駐場主理鐵板燒,滿足視覺和味覺享受!人氣海膽杯「十層海膽杯進化版」再加碼,除了基本的北海道海膽、藍鰭吞拿拖羅蓉和松葉蟹肉外,另加鮑魚、花膠等矜貴食材,撈勻一次過入口感受多重刺身鮮味。

鐵板燒主打健康少油,女生可以放膽食!多款以海膽設計的鐵板燒料理,推介海膽花膠、海膽流沙松茸大蝦多士和蟹粉甲羅燒海膽杯,新口味滿足海膽控。

About Reward Scheme
Review (492)
Level4 2020-06-12
726 views
餐廳備有獨立包裝的酒精搓手液、口罩袋及一次性筷子套給客人。而熱水入面有原粒青檸, 飲落清新,侍應有不斷留意客人茶杯幫忙倒水,服務周到﹗點了一份和牛餐$780:開胃前菜有時令沙律和三點刺身盛合,三點刺身:三文魚厚實鮮甜,北極貝爽甜,甜蝦新鮮大隻~ 鴨胸芝麻醬沙律:沙律菜,滑豆腐配上芝麻醬等,夠清新﹗燒南瓜和燒番薯配上花巧形狀車厘子,賣相有趣﹗北海道原隻粒貝:碟上有原隻貝殼,粒貝肉爽口配上蟹子粒粒,口感豐富﹗法式煎鵝肝配時令水果:鵝肝粉嫰,多士香脆,旁邊有藍莓爆珠,配幾片伴碟蜜瓜,別有清新~澳洲M9和牛厚燒配水蜜桃爆珠:和牛粒五成熟,麵包墊底可以去吸收多剩油脂,配水蜜桃爆珠,味道相當有層次﹗焗雜菌:味道較清淡,可以温和味蕾~鐵板燒特色炒飯香噴噴,飯粒分明有咬口。以膠袋包著松茸蜆湯:整個湯包放在鐵板上加熱再放上碟上,送到枱時再由侍應剪開。大蜆的鮮甜無沙,入面有松茸、昆布、豆腐粒,香氣撲鼻,帶出鮮味清甜﹗呢份和牛餐真係相當滿足,多到碗飯都唔太食得晒,兩個人黎可以點一份一人餐,加少少小食都得﹗ continue reading
(The above review is the personal opinion of a user which does not represent OpenRice's point of view.)
為好友慶生,餐廳當然不能馬虎,在佐敦的《S2》鐵板,美味非常,早已留下深刻好印象,特意推介好友們到此共進美食,好好享受一番。迎賓的青檸花旗參茶,相當有誠意,揭開盅蓋,清新的青檸味撲鼻而來,入口卻換成是花旗參味,滲著參香而沒有苦味,好茶一道。💖💖《S2》的 signature, 18層海膽杯,十八層高檔日式精選食材,層層都是獨當一面的特選食材,加起來就是無法抗拒的驚天美食。每次到 《S2》都沒法不點一杯回味回味 🤭🤭煙鴨胸豆腐沙律,清新醒胃,芝麻醬永遠都是那麼討好!三點刺身盛合,海老、北寄貝及三文魚,細細份, 高檔前菜。龍蝦餐,有龍蝦、帆立貝及鰻魚。先上北海道黑松露帆立貝,鐵板燒過的帆立貝剛剛熟,加上松露的濃香,好味道👍💖💖再上的是招牌脆皮煎鰻魚,肉質熟透鬆化,皮脆,加上惹味醬汁,又是高水準制作 👍💖💖主菜鐵板海膽醬芝士焗原隻龍蝦,燒過的芝士咸香惹味,加上龍蝦肉的鮮甜,完美的烤物。份量超值,沒想過龍蝦也有打包的情況,真是超大份的,隔天翻叮,味道也很好 👍💖💖,包裝也甚為精美。另一份是松葉蟹套餐,包松葉蟹腳、廣島蠔及黑豚。這客北海度松葉蟹腳,鮮味十足,蟹控不能錯過。日本櫻花廣島蠔,櫻花蝦色彩艷麗,配蠔頗有創意,同屬日式海產,味道亦算夾得很好。日本十勝黑豚肉厚切配意大利黑醋蜜糖爆珠,很有新意的制法,豚肉混了黑醋,再配上入口即爆的蜜糖珠,一道甜酸肉頓時變得特別起來。《S2》特色紙包花膠蜆湯,很特別的湯,用袋盛著在鐵板燒,味道清甜,飲至一滴不留。焗雜菌,牛油混合姑菌一起煎焗,惹味非常,相對普通的菜式,但味道一點不遜之前主菜。燒野菜原味品嚐蔬菜本身的味道,沒有花巧的醬汁,簡單卻討好。《S2》特色黃金炒飯,賣相靚仔,飯粿粒粒分明,而且香氣撲鼻,可惜已尾聲時段,亦只能打包帶走,翻叮後亦不失美味,高水準炒飯 👍💖💖 continue reading
(The above review is the personal opinion of a user which does not represent OpenRice's point of view.)
Level4 2020-05-25
1251 views
今年第三餐生日飯(11/5),響2個鐘前先食完一餐生日飯,中間未夠鐘仲去飲咗杯嘢,再到呢餐係生日宵夜飯局,有人曾經話香港無宵夜,咁當然香港大把宵夜啦,嚟到佐敦偉晴街「S2鐵板燒」去揾「樂師傅」,咁入門口都係量體温嗰啲嘢啦,開頭得我哋一枱客,之後嚟多一枱,電視播住「S2鐵板燒」廣告,仲見到電視播住TVB「揾食飯團」嘅坤哥,吳業坤。因為之前午市宵夜時段有5折,所以訂位時已預訂咗一客北海道原隻毛蟹紐西蘭羊架套餐及一客海膽焗原隻龍蝦北海道帆立貝海鮮套餐(每客都係一人前,原價$1,380,優惠價$780,現午餐及宵夜時段再5折),不過當晚聽到宵夜時段5折只會做多幾晚。我見到所有套餐都會跟時令沙律及三點刺身盛合,今晚沙律係鴨胸沙律,三點刺身盛合係三文魚刺身、北寄貝刺身及赤蝦刺身,赤蝦刺身尚算大隻彈牙,其他算普普通通,不過不失。另一早已預訂咗S2名物:18層海膽杯(原價$498,現優惠價$368),最底層開始係:鮮海帶碎、北海道紫海膽、北海道松葉蟹肉、北海道紫海膽、三文魚籽、北海道粒貝、藍旗吞拿魚拖羅蓉、北歐花膠、凍磯煮鮑魚、櫻花魷魚、北海道紫海膽、牡丹蝦、明太子沙律、帆立貝、沖繩海葡萄、北海道紫海膽、黑魚籽、燒白飯魚脆片;$368算係抵食嘅,主要都係用嚟打咭嘅,北海道紫海膽、三文魚籽、藍旗吞拿魚拖羅蓉、黑魚籽係鮮甜好食嘅,某些食材都算夾,有些食材就唔算好夾。北海道原隻毛蟹紐西蘭羊架套餐沙律:時令沙律刺身:三點刺身盛合主菜:北海道原隻毛蟹兩食時令貝類紐西蘭香煎羊架日本原隻鮮魷魚筒食事:S2特色黃金炒飯(蟹籽/三文魚/黑松露/蟹膏/鵝肝/鰻魚/牛肉/煙肉/櫻花蝦)選一款或稻庭芝麻冷烏冬麵燒野菜/焗雜菌吸物:S2特色紙包花膠蜆湯甜品:精選季節性甜品海膽焗原隻龍蝦北海道帆立貝海鮮套餐沙律:時令沙律刺身:三點刺身盛合主菜:鐵板海膽醬芝士焗原隻龍蝦北海道黑松露帆立貝招牌脆皮煎鰻魚食事:S2特色黃金炒飯(蟹籽/三文魚/黑松露/蟹膏/鵝肝/鰻魚/牛肉/煙肉/櫻花蝦)選一款或稻庭芝麻冷烏冬麵燒野菜/焗雜菌吸物:S2特色紙包花膠蜆湯甜品:精選季節性甜品食前菜期間,已見到樂師傅開始燒一些海鮮,有北海道黑松露帆立貝、日本原隻鮮魷魚、海螺、招牌脆皮煎鰻魚;帆立貝鮮甜肉嫩、黑松露味唔算太出;日本原隻鮮魷魚,鮮嫩惹味、煙韌彈牙,食唔哂要打包;海螺,尚算大隻,煙韌又好嚼口,配瓜粒一齊食又唔錯,反而呢個現場食哂;招牌脆皮煎鰻魚,外皮煎得非常香脆,鰻魚剛熟肉質嫩滑,個人最喜歡其中一款。肉類有燒紐西蘭香煎羊架,羊架肥瘦比例算適中,油脂滿佈,肉算嫩。進食期間,師傅已將燒野菜完成,有番茄仔、秋葵、甜薯,可以減去一些油膩感,又係食唔哂要打包。另一主角出場:北海道原隻毛蟹兩食,見到樂師傅好用心機去燒每一件毛蟹及蟹蓋,毛蟹肉嫩鮮甜、蟹蓋蒸蛋夠滑溜,配上蟹膏嘅鹹香又另一種風味,其實已經好飽,食唔哂要打包。再另外一主角出場:鐵板海膽醬芝士焗原隻龍蝦,燒龍蝦時嘅情境同用火槍時已經好震撼,香氣撲鼻,海膽醬加芝士半溶狀態,邪惡非常,龍蝦肉嫩彈牙,係好食嘅,但實在太飽,只試了一件後又打包。錫紙焗雜菌,直接打包,不過最後呢個我第二日都係無食到的。到S2特色黃金炒飯,又係直接打包,第二日食依然好食,飯粒算分明,應該食到有三文魚、鵝肝、櫻花蝦等食材。呢包S2特色紙包花膠蜆湯幾特別,直接用透明紙包放上鐵板煮,因為食咗咁多嘢,都想飲返啖湯,湯頭清甜、花膠算大件嫩滑,冬菇肉夠厚,飲完之後,店員話原來呢個湯都可以打包。甜品:泡芙,一啖一口,現成貨,無乜特別。食咗2個餐、1杯18層海膽杯及1枝啤酒,如果本身已做緊嘅優惠價埋單要$2,1xx,依家5折咗後埋單接近$1,400,我就覺得抵食,因為食物份量都真係算幾大份。打包咗2盒分别有鐵板海膽醬芝士焗龍蝦同S2特色黃金炒飯、1盒日本鮮魷魚、北海道毛蟹及野菜、1盒錫紙焗雜菌,我就攞咗第1款1盒同第2盒,就算第二日生日正日食都好好食。 continue reading
(The above review is the personal opinion of a user which does not represent OpenRice's point of view.)
Level4 2020-05-12
1504 views
除了日本,香港試過的鐵板燒普遍都過千元一位師傅開店於小區,價錢較為划算而且屬於良心黃店,要多多光顧即使坐在爐邊也沒有油煙味還能觀賞師傅的技巧真想全部也試試但還是套餐較划算選擇了清酒鮑魚雞翼牛肉卷套餐 - $680每位提供獨立包裝的酒精搓手液及口罩袋熱水入面有原粒青檸先來的時令沙律和三點刺身盛合北極貝口感厚實鮮甜三文魚細嫩鮮美,口感爽滑甜蝦新鮮的滑嫩感西京醬煎煮銀雪魚高級日本料理傳統風味西京漬源自京都關西一帶,味道帶甜銀鱈魚含油量較高,肉質軟且入口即溶,香味較突出芝士流心和牛漢堡扒和牛肉味濃郁煎後焦香的外表,裡面肉質鬆軟多汁加上幼滑的芝士,口感豐富惹味清酒鮑魚雞翼牛肉卷配水蜜桃爆珠神奇的配搭,肥牛包著雞翼,再包著鮑魚肥牛煎得剛巧,爽脆不帶油脂雞翼和鮑魚一軟一硬的口感每樣一點點的味道,再加上水蜜桃,味道層次很複雜但又配合底部的麵包用於吸收多剩油脂稻庭芝麻冷烏冬麵焗雜菌沒有調味料下,味道較清淡可配上七味粉特色紙包花膠蜆湯新奇做法,用膠袋包著整個湯包放在鐵板上加熱再放上碟上,直接剪開淡淡的酒香味、大蜆的鮮甜香氣撲鼻,口感一流雪糕泡芙 continue reading
(The above review is the personal opinion of a user which does not represent OpenRice's point of view.)
Level4 2020-03-14
2859 views
正值肺炎疫情嚴峻時期,餐廳的抗疫措施都做得不錯。首先提供膠袋用來暫存口罩,還有獨立包裝的酒精搓手液,一次性木筷子頭等等,細心又合時宜。首先上的是鴨胸芝麻醬沙律,沙律菜,滑豆腐等配搭,幾開胃。刺身有3味,三文魚很厚肉,肥美有脂肪感。牡丹蝦很大隻,肉甜爽脆,北寄貝爽甜彈牙厚肉。招牌十八層海膽杯,材料包括燒白飯魚脆片,北海道紫海膽,海葡萄,三文魚子,蟹肉,帶子,牡丹蝦,拖羅蓉,魷魚,磯煮鮑魚等等。第一眼見到的時候不禁心想: 洗唔洗咁多料呀...嘗過之後就知道這個招牌菜確實新鮮高質。燒帶子很香牛油味,帶子裙邊帶點香脆,師傅已經將帶子去腸,可以說是啖啖肉。燒南瓜和燒番薯的外層塗上了蜜糖,還有偽裝成車厘子的車厘茄,雖然大家都是車厘,但你為什麼要偽裝🤣🤣! 燒鰻魚的魚皮很脆,和燒汁完美配搭,魚肉嫩滑。原隻芝士焗龍蝦,師傅會細心的預先切件,芝士很香,份量多到可以拉絲拉高高,龍蝦很多肉,食用很方便,份量偏大,吃完一隻都6成飽了。燒雜菌是龍蝦之後的一道素菜,錫紙包住牛油來燒,可以淡化龍蝦的濃味,是不可小看的一道菜。鐵板燒炒飯香噴噴熱辣辣,飯質少少煙韌有咬口,粒粒分明。松茸蜆湯清而不淡,用膠袋裝住以保持鮮味,蜆大隻無砂,加上松茸昆布等食材,清甜有益無味精。自家製海膽雪糕,混入了鮮海膽的雪糕又甜又咸,新奇又有趣,有少許海膽雪葩的感覺。準備離開的時候,發現身後竟然坐着郭晉安,原來這家餐廳平時也有很多藝人幫襯呢。 continue reading
(The above review is the personal opinion of a user which does not represent OpenRice's point of view.)