Hungry Monkey (金朝陽中心二期 - Midtown) (Closed)

今日嚟到呢間裝修非常特別既日式餐廳食晚飯，其獨特裝修風格同荃灣分店相近，印象亦非常好，即管試下銅鑼灣分店先！頭盤選擇眾多，每道菜式都非堂精緻，師傅亦即場製作，確保新鮮！頭盤沙津用左大量日式蒜子浸鮮番茄，去除了蕃茄的腥味，令不太愛吃🍅的友人都大讚不絕。師傅先將南非鮑魚拆殼，用鑊鏟輕壓一陣，反轉重複數次，最後灑上少許海鹽，已經非常惹味，鮑魚韌度也剛剛好！初嘗豆池魚，以為同多春魚差不多，但吃下去原來好大分別，亦充滿驚喜。豆池魚炸得非常酥脆，細細條好易入口加上以七味粉調味，吃出魚香之餘亦有微微辛辣，香口惹味，配酒一絕！章魚御好燒口感非常豐富，清甜既日式雜菜配上爽口既章魚同淡淡既海情甜味，麵粉槳同蔬菜份量分配合宜，值得一試。若在銅鑼灣一帶想與朋友敘舊，把酒聊天，Hungry Monkey也不彷為好的選擇。