94
3
3
4-min walk from Exit B, Causeway Bay MTR Station continue reading
Telephone
54089580
25780828
Introduction
It offers mainly Japanese-style teppanyaki. All the ingredients are fresh and cook to order. continue reading
Opening Hours
Today
12:00 - 20:00
Mon - Sun
12:00 - 20:00
Public Holiday
12:00 - 20:00
Public Holiday Eve
12:00 - 20:00
Payment Methods
Visa Master AlipayHK Alipay Cash WeChat Pay
Other Info
Online Reservation
Wi-Fi
Alcoholic Drinks
Cake-cutting
Phone Reservation
Delivery
10% Service Charge
Spot payment
Review (103)
Level4 2021-01-03
483 views
又再放無薪假,約咗朋友出嚟銅鑼灣行街,見到Hungry Monkey係主打大家都好耐冇食嘅鐵板燒而且價錢唔貴,所以決定喺度食lunch😍仲可以一邊食一邊欣賞師傅烹調美食🤤梅水晶:鯊魚軟骨爽脆配上梅子酸咪咪好開胃!芥辣八爪魚:鮮味八爪魚刺身混合濃郁Wasabi味!明太子奄列:明太子帶少少辣味,同雞蛋好夾而且唔會過鹹,奄列口感嫩滑蛋味濃郁😋香蔥牛肉薄燒:牛肉包住大量蔥花同炸蒜,牛味香濃入口鮮嫩又juicy❤️❤️❤️托托蜆:平時係有四隻嘅不過落單嘅時候店員已經同我哋講咗今日嘅size比較大所以只得三隻!托托蜆肉質細嫩鮮甜又彈牙,炸蒜好香好惹味但又唔會掩蓋咗蜆肉嘅鮮味😍南非鮑魚:鮑魚品種珍貴,肉質厚實,彈牙帶爽又鮮味☺️蟹盛御好燒:御好燒做法簡單但要整得好食並唔容易,餐廳加入多款蟹食材,有蟹肉;蟹籽同蟹膏,味道鮮美蟹味濃郁🦀食物真係好高質,好食到食到一半我哋已經諗緊下次再嚟要食啲乜😆😆 continue reading
(The above review is the personal opinion of a user which does not represent OpenRice's point of view.)
Level4 2020-12-29
314 views
今日同女友人去銅鑼灣行街,無知想食咩,見登龍街好多餐廳,所以記諗住過到依邊先再決定食咩野。一直都好想食鐵板燒,友人都表示有興趣而且見menu價錢都幾抵食就決定一試入到去我地都算早,所以有bar位坐可以睇住師傅燒因為想食海鮮,所以我地決定散叫,真係無揀錯,師傅手勢一流, 店員都好細心解釋。梅水晶 芥辣八爪魚前菜 酸酸辣辣好開胃南非鮑魚佢近卡位果邊有板有d時日menu,南非鮑魚大大隻都係$98。 師傅燒得剛剛好,鮑魚好新鮮,點少少醬汁,perfect match托托蜆佢本身係有4隻,因為今日蜆比較大隻所以變左3隻。 蜆好鮮甜,好juicy 送到黎已經聞到好香既蒜蓉味明太子奄列好大份,蛋煮得好嫩,入面有大量明太子。蟹盛御好燒一黎到已經嘩一聲,個面有蟹肉、蟹籽同蟹膏。佢餅入面都仲有蟹肉,蟹全部都係蟹,好香濃蟹味,勁滿足。店員比左紫菜同薑可以按自己喜好加。香蔥牛肉薄燒佢係lunch menu都有,我地一路食都見到師傅長期都整依個,咁有人氣點可以唔試好多蔥好多蒜,牛肉入口有熔化感覺,好juicy好嫩。飲左兩杯野,埋單都係唔洗$800,超級抵,下次都要再黎食。 continue reading
(The above review is the personal opinion of a user which does not represent OpenRice's point of view.)
Level4 2020-12-15
204 views
銅鑼灣區內一向是優質日式菜系集中地,無論是刺身壽司,鐵板燒或是融和菜式,都能輕易找到優質餐廳;素來食盡各種美食的饗客好友這次相約我到區內一家鐵板燒來個飯局相聚,便知道又有口福,就馬上答應出席!週四夜的銅鑼灣較為繁華一點,從地鐵站B出口前往,可避開沉悶冗長的A出口;來到餐廳門口,映入眼簾的是門面的顔色,燈光,裝潢及構圖,帶點美式餐廳的風格,加上漫畫化的猴子標誌,霸氣得來又非常醒目!由於好友一早已訂了位,一來到就可入座;於大廈地面樓層的餐廳,好處是可擁高樓底,十足的空間感;而內裡的主設計是環繞鐵板爐具的吧枱,讓客人們安座於此可全程觀賞廚師們的鐵板燒技藝!而柔亮的燈光亦集中於此,有如聚焦在舞台中央;旁邊的圓枱則相對地暗色調,喜歡有情調的會較適合;而空氣中彌漫著絲絲煙燻,肉類特別是牛肉的油脂氣息,已引人垂涎!餐牌的製作亦較為精美,加上適中份量的選擇,讓人很容易點選合心意的菜式;而當日精選的,就以粉筆寫在牆上的黑板上;這等場合當然由好友發辦來點菜;與好友閒聊了一會,侍應生先遞上前菜-蕃茄蒜子沙律;將蕃茄去皮後,淋上特別調製的醬汁,啖味起口感鹹甜酸很平衡,更加突出蕃茄的酸爽清新,令人開胃!唐揚豆池魚,就用普通的高溫油去炸,已吃到酥脆鮮嫩的質感;滴上幾滴檸檬汁,清爽的酸味與果味更突出魚肉本身的鮮甜味!原本想叫清酒相佐美食,但好友連飲多晚想停一晚,於是改酒為礦泉水;正是當造季節的帝王蟹腳,用鐵板燒的形式烹飪,最大好處是能賦予輕柔的煙燻氣息,啖味起來有爽彈的肉質,蟹肉鮮甜味與海水味交織,這股煙燻氣息就有畫龍點睛之效!下一道菜式,我們要了五成熟的A5和牛坑腩;只見鐵板師傅從雪櫃取出一整塊A5和牛坑腩,稍作解凍後切下了最肥的脂肪,留待下一道菜備用;然後就把和牛坑腩放在大鐵板中央,用兩把小鐵鏟將這妙品徐疾有致地翻弄著,令到六面都能受熱,再灑上海鹽,研磨黑椒粒於面上,待感受到達到合適的熟度,就用鋒利的廚刀兩三下手勢就把和牛坑腩切成厚薄均勻大小適中的肉片;配上醬油,用簡單的調味,就能品嚐到這綿滑柔嫩的A5級和牛坑腩的肉質!用來自意大利的礦泉水先清一清味蕾,再將一片賣相吸引的坑腩夾進口中,一下子感受到牛肉與牛脂及肉汁的連貫,即時在味蕾上閃出妙曼的火花!細嚼之下,坑腩的肉質一點都不黏牙,而且滲出的油潤脂肪結合點點黑椒香辣味,從牙縫滲在舌頭上,其香至極,不愧為A5等級!最後來個完美收結的和牛脂炒飯,就是用先前最肥美的和牛坑腩脂肪,煎至半熟時切成細粒加進同時在鐵板上進行的炒飯中;而這飯用了晶瑩的珍珠米,加上日本雞蛋,牛油,炸蒜粒以及海鹽去炒,既是簡單的調味,卻能融合和牛脂肪在其中的濃香豐腴作用,為炒飯注入了厚重的味感,讓人更能飽足!一頓以A5和牛為主軸的鐵板燒晚宴,在味覺,嗅覺及視覺上都大為滿足,看來飢餓的猴子讓人客絕不飢餓! continue reading
(The above review is the personal opinion of a user which does not represent OpenRice's point of view.)
Level4 2020-12-15
139 views
今日放工同女友約銅鑼灣見,行左陣街,就肚餓揾野食,行左去燈籠街覓食,最後見到間好似新開既居酒屋,裝修幾靚,所以就入左去,入面都幾多客人,但好彩啱好有位,唔洗等,見啲野食幾啱胃口,所以就決定食。我哋叫左沙律、辣酒煮凍花螺、伊比利亞豬、蟹盛御好燒、日本炒麵、蟹肉忌廉餅、白鱔,同埋兩杯威士忌Highball 。首先黎左兩個冷盤,沙律係個凍生蕃茄,係一個人份量,我哋share 黎食,酸酸甜甜,好開胃,唔錯;辣酒煮凍花螺,冷盤比想像中份量大,辣辣地甜甜地,食落好爽口,唔錯。食完冷盤就到正餐,首先黎左蟹肉忌廉餅,蟹肉同忌廉完美配搭,味道啱啱好,推介。跟住到伊比利亞豬,燒豬扒,上枱時望到個樣已為佢好乾,點知食落又煙煙韌韌,唔會好乾,味道仲要唔錯,好香豬扒味,推介。跟住再到白鱔,呢個價錢唔平架,所以本身期望係好大條好肥美,點知上到枱份量冇預期中大,味道係可以既,係多左啲小骨,要食得好小心。最後黎到蟹盛御好燒、同埋日本炒麵,蟹盛御好燒勁多蟹子,味道適中,唔錯。日本炒麵都好算大份,雖然炒得幾香,但可能已經去到尾聲,所以並冇覺得好好食,不過可試。 continue reading
(The above review is the personal opinion of a user which does not represent OpenRice's point of view.)
Level4 2020-12-14
123 views
疫情下好多朋友都有思鄉情緒出現,哈哈!我也不例外!原定計劃日本之旅當然要取消啦。朋友介紹銅鑼灣登龍街Hungry Monkey可解除口腹思鄉情😂😂環境不算大,佈置有點日本料理feel㗎!侍應生很有禮貌,廚房是開放式嘅!可以欣賞廚師在你面前煮美食,正👍😋坐下有點口渴便叫飲品先,蘋果梳打和桃味梳打~連飲品都來自日本,味道入口好清香👍頭盤沙律是蕃茄蒜子沙律,好醒胃啊!煎明太子~大廚好手勢呀!成條明太子煎得好靚,外脆微焦香,明太子鹹香味濃配埋蒜片同食,味道好夾,蒜子有少許微辣。芝士蛋奄列~ 呢個好特別!蛋煎得好滑,包住芝士就更加香滑,入口有滿足感。豆芽韭菜花炒砂肝筋~睇住廚師炒,配菜有芽菜同韭菜花是我喜愛食呢!菜炒得好爽口,因為是用平鑊炒的,食落好似是用個鑊拋高兜幾兜嗰下手勢,👍肝筋好爽口。A5和牛坑腩~A5牛坑腩部分是好矜貴㗎!肥瘦均勻,入口不油膩溶化了,好有肉汁味好juicy,真係好似食緊日本飛驒牛一樣,食唔停口,好快就食曬啦!師傅手勢一流。真心推介👍👍日本炒麵~有韭菜洋蔥紅蘿蔔等等配菜都好多!好大碟,麵上面重有鰹魚碎片喐下喐下好吸引,好夠份量啊!椰子雪糕和柚子雪葩~椰子雪糕原來個殼真係椰子㗎,好香濃椰子味,不太甜,柚子雪葩入口酸甜酸甜好清香,日本直送啊!👍👍結語~食材鮮令口福解思鄉情😂 continue reading
(The above review is the personal opinion of a user which does not represent OpenRice's point of view.)