詩餅坊

Open Now

Now Closed

食店的位置對我黎講唔太方便, 但我都有為左佢專登去過幾次, 就係為左呢個綠茶紅豆蛋糕, 第一次食係有個朋友請食的, 一試愛上, 我覺得佢係呢間餅店既不二之選, 有買過其他口味蛋糕黎食, 但都係呢個最好味, 同樣我都認為呢度既紅豆蛋糕係我食過最好味的, 我本身好鍾意食經常會攞黎做甜品既材料好似紅豆, 栗子, 開心果, 腰果, 蕃薯等等...但我只喜歡食佢地既真身, 當佢地變成甜品就會變得唔好味, 走曬樣, 得個甜字甚至有D既味道會變得好假, 只係得返D食物既顏色係度。但呢個綠茶紅豆蛋糕唔會, 食得出佢既原味, 唔太甜, 蛋糕鬆軟濕潤, 圍住外面既嗰層綠茶脆脆令到成個蛋糕有多一種層次, 令口感更豐富, 綠茶同紅豆互相又唔會掩蓋對方既味道, 十分推介。