潮林園滷味大王

Open Now

Now Closed

喺銅鑼灣一樣都可以搵到抵食又好味嘅潮州菜，呢間係我同屋企人必定買餸加料嘅滷水店「潮林園滷味大王」，位置就喺鵝頸橋消防局對面，晚飯時間全部坐滿晒，亦都有好多人會買外賣返去，今晚放工去到等咗一陣就有位😆蓮藕湯一坐底老闆娘就會問我哋飲唔飲湯呀？👍🏻今日嘅老火湯係蓮藕豬骨湯，清甜嘅蓮藕已經煲到又粉又腍，豬骨令湯更加鮮味，潤而不膩，滋補又健康嘅湯水凍烏頭潮州菜又點少得凍烏頭呢😋一大條呢度只係$158，烏頭少骨多肉，一夾起就係一大舊嘅魚肉👍🏻魚頭裏面會塞入檸檬除咗可以去腥，會令魚肉鮮甜清香，肉質嫩滑，入口甘香油潤，超肥美👍🏻配搭鹹鮮嘅普寧豆醬令魚鮮味更加突出，冰冰涼涼嘅口感佐酒一流🍺大拼盤我每次都必點嘅滷水拼盤，大份嘅$168已經包括十多款滷物，有墨魚、鵝片、豬腩肉、豬頸肉、豬大腸、豬舌、紅腸、鵝腸、鵝腎、豬肚、粉腸、滷水蛋同滷水豆腐，每一款都滷得夠晒入味，墨魚爽脆彈牙、鵝片鮮味多汁、豬腩肉肥瘦相間豬皮位置口感Q彈、豬頸肉爽口鮮嫩，粉腸係我嘅最愛，裏面粉粉嘅口感外面咬落去又嫩又腍，滷水豆腐必食，外酥內嫩再加上辣椒油更加惹味👍🏻潮州芥菜芥菜加入豬腩肉去烹調，芥菜本身嘅味道回甘微苦，但越嚼越能感受到蔬