Mr. Steak Buffet à la minute

Open Now

Now Closed

差不多10年冇食過屹立多年嘅「Mr. Steak Buffet à la minute」自助餐，上網見呢期做緊日本佐賀牛主題，尋晚同阿媽去食🎉人山人海勁旺場！地方大，座位多，如果坐窗口位可以邊食邊欣賞維港靚景，再附送幻彩詠香江🌃食物選擇多，而且偏多海鮮同甜品。回本嘅一定係日本和牛、即開生蠔同海鮮，一味龍蝦已經足夠回本🦞海鮮補給快，龍蝦好多膏，開殼龍蝦鉗啖啖肉，啱晒海鮮控。今晚都見枱枱都海鮮上先，我同阿媽食龍蝦都食到飽哂🙂‍↕️即開生蠔新鮮，預時間排隊等候就OK。熱葷選擇多，適合同埋老人家嚟食👵🏻午市自助餐有長者優惠。個人推薦北海道豚肉壽喜燒、馬來咖喱牛腩、豬腳薑醋。好適合生日同慶祝活動，有甜品即時畫碟寫字服務，效率奇高，基本上5分鐘左右已經拎得，目測枱枱都畫，反正佢無限次數，無限碟心意🎉日本和牛有質素，幾款都好食，啱牛魔王佐賀牛料理🚩鐵板和牛薄切，極滑！上面放薄炸蒜片同蔥花🚩慢烤塩麴燒，肉色嫩紅，入口唔韌🚩火炙和牛壽司，廚師即場火炙，爆油脂📌即煎鵝肝大大件煎得幾靚🚩燉湯係沙參玉竹海底椰排骨湯，足料🚩甜品好多，不能盡錄，必食玻璃杯裝北海道牛乳奶凍，奶味濃郁👍🏻