金金日式燒肉店

Open Now

Now Closed

銅鑼灣嘅餐廳選擇好多，但通常我哋都係去街舖或各大商場選擇。原來銅鑼灣都有唔少樓上餐廳，今日M佬就帶我去到Sogo對面，呢間食日式燒肉嘅金金日式燒肉店，質素相當唔錯。熊本A5和牛呢個熊本A5和牛嘅油花分佈平均，燒到半熟之後，入口即熔！我同M佬真係搶住食。什錦燒肉盛合呢個什錦燒肉盛合就夠晒抵食，有意大利香草雞、鹽蔥一口黑豚、燒汁牛肋骨、澳州和牛、鹽燒牛舌。澳州和牛雖然無熊本A5和牛嘅幸福感，但牛味香濃；而盛合內最好味一定係鹽燒牛舌，經過燒烤後，牛舌嘅肉汁被鎖住，肉質爽口彈牙，口感豐富，調味剛好，令肉汁更豐富濃厚！黑松露和牛炒飯最尾食埋黑松露和牛炒飯，就夠晒飽肚。雖然黑松露味唔算好出，但炒底夠乾身同夠鑊氣，和牛份量唔少，都幾抵食。