船渦

Open Now

Now Closed

銅鑼灣「船渦」嘅一人一鍋蒸氣海鮮真係令人驚喜😆餐廳設計好有私隱度，每個座位都有百葉簾，一拉落嚟就變成獨立空間，啱晒想靜靜地享受海鮮嘅朋友。 「九品芝麻」套餐 海鮮種類豐富，鮑魚、貝類，魚片樣樣新鮮，蒸完仲keep到原汁原味。特別欣賞佢個蒸煮時間控制得剛剛好，照住佢張時間表嚟整就啱，海鮮唔會過老。 「八府巡按」套餐高級食材多，龍蝦好新鮮上枱時仲見到佢啲神經未死嘅彈吓彈吓，仲有蝦膏❤️蟶子超大隻鮮甜!套餐包埋嘅肉同埋丸一啲都唔Hea一樣高質，食粒牛丸同墨丸就知，真材實料。最正係個粥底，吸收晒所有海鮮精華，最後食埋超滿足。 環境舒適又私密，價錢合理，絕對係高質海鮮之選！