Sushi N

Open Now

Now Closed

前排同朋友去咗銅鑼灣一間樓上餐廳食Omakase，整體質素都好高，可以bookmark有機會再去。開始之前，先食個前菜沙律，加咗醋調味，酸酸地好開胃。茶碗蒸除咗有銀杏、冬菇同埋蟹柳之外，最上面仲有三文魚子同埋紫菜，蒸蛋好滑口感好好。岩手縣生蠔，伴有青檸，好好肉地，食落有淡淡嘅海水味。池魚，餐廳配咗松露醋汁，旁邊靚靚嘅紫蘇花唔只係裝飾，仲可以一齊食。池魚夠哂肥美，油脂感十足。之後係池魚他他，用咗有另一種切法，令池魚更加彈牙，醬油夠入味，加埋三星漬芝麻同葱撈埋一齊食好惹味。汁煮油甘魚，上面配咗秋葵、蘿蔔同白蘿蔔，魚身好厚實，同頭先食到嘅魚生相比，有截然不同嘅感覺。餐廳之後提供咗漬物畀我哋清一清個味蕾。伊佐木，好少食到呢一款魚，魚肉好軟腍好特別，而且師傅已經加咗醬油同wasabi，唔需要另外調味。石垣鯛上面有柚子胡椒，食落去有啲小小刺鼻，但係好有咬口。北海道鮫鰈魚，上面放咗魚嘅魚邊，燒過之後入口即溶，好有油香。帆立貝，爽口又肥美，加上竹炭鹽，帶出鮮味。北海道紫海膽，色澤鮮豔吸引，味道夠哂鮮甜。清酒蒸鮑魚，煙韌彈牙，好有咬口。中拖羅，肥美得嚟小小趙口，balance都好好。炙燒左口魚邊，忍唔住