築地日本料理 (金百利廣場)

Open Now

Now Closed

同朋友行行吓街，朋友話想食日本菜，咁啱就搵到呢間所以就上去試下😆鰻魚石鍋炒飯炒飯炒得好好，粒粒分明，而且用石鍋上，底部仲有少少飯焦，好香口牛油果軟殼蟹卷呢個配搭冇得輸！軟殼蟹炸得好脆，味道啱啱好。海膽帶子卷呢個卷就中規中矩，海膽味唔算太突出但係帶子嘅鮮味就搭救番啦🤣魷魚雞肉卷呢個菜式都幾特別，係魷魚包住入邊有啲調味過嘅雞肉咁。魷魚都幾大條，仲有少少酸甜醬喺面做調味， 二入邊嘅雞就有少少似忌廉雞皇飯嗰啲雞🤣，第一次食到呢種配搭，覺得幾特別火炙三文魚壽司火炙帆立貝壽司佢哋嘅壽司都唔錯，特別係火炙，呢個處理手法令到食材嘅味更加突出！