290
27
14
Exit E, Causeway Bay MTR Station continue reading
Telephone
25043338
Introduction
Izakaya style Japanese restaurant, with seafood pool that make sure the seafood are fresh catch. Also a set menu of vegetarian is available. continue reading
Opening Hours
Today
12:00 - 23:00
Mon - Sun
12:00 - 23:00
Payment Methods
Visa Master AlipayHK Alipay Cash AE UnionPay
Number of Seats
54
Other Info
Wi-Fi
Alcoholic Drinks
May Bring Your Own Wine Details
Phone Reservation
10% Service Charge
Spot payment
Review (348)
Level4 2019-06-13
3044 views
環境4分:樓上壽司店,D牆印曬圖,D架有哆啦A夢小飾物,細細間都可以間出咁多卡位,未到繁忙時間兩條友坐四人卡位好舒服。成晚可以聽住八九十年代改編歌D日本原唱版,玩估歌仔又跟住唱,好有娛樂性,可以畀四分!衛生4分:枱上面有齊筷子,碗碟,濕紙巾,牙籤,豉油,七味粉,wasabi,望落好乾淨企理,一樣畀四分。服務5分:顆記用手提電話落單,快手快腳,不斷加茶,又比卡位坐,滿硬分。味道4分:1)      樽裝啤酒跟冰杯,夠冰凍。2)      八蚊件三文魚壽司顏色靚,夠厚又夠潤,抵食。3)      香蔥碎吞拿魚腩壽司塊紫菜好脆,香蔥碎吞拿魚腩好香。4)      白色果件黑松露火炙油甘魚壽司係咁多件之中最嫩最滑最清香,非常之好食。5)      中間件火炙三文魚腩壽司比起冇火炙過果件更肥更香更軟。6)      原來呢18禁三文魚壽司即係辣味嘅碎三文魚壽司,中辣嘢味,唔錯。7)      最後件天婦羅壽司好鮮好甜好脆。抵食5分:D壽司平均十幾蚊件,呢度逐件逐件咁嗌,唔怕食唔曬,畀硬滿分! continue reading
(The above review is the personal opinion of a user which does not represent OpenRice's point of view.)
Level4 2019-05-24
2359 views
其實聽過尼間餐廳知道佢地9:00pm後入座壽司會有半價,但係就係夾唔啱時間,所以最尾都係決定試左佢個dinner menu先。佢個餐牌好厚,所以比較懶既我地揀左個2人餐黎食下。首先黎左個蟹籽沙拉,其實就係青瓜沙拉上面有好多蟹籽同埋蛋黃醬,你話尼個組合點會唔好食leh,仲要份量好大,我地最尾都食唔曬🙈跟住就有五選一既燒鯖魚。黎到日本餐廳梗係唔可以唔試鯖魚啦。尼度條鯖魚都大條,肉質肥美👍🏻四選二既主菜我地揀左牛肉壽喜燒同泡菜黑豚石鍋飯。牛肉壽喜燒本身都包一個白飯,所以真係唔使驚唔夠飽🙈壽喜燒系比較接近火鍋湯類,個汁都好濃,而且有大量牛肉!裡面仲有好多蔬菜、豆腐等配菜。千奇唔好唔記得食埋系底個d粉絲食,當吸曬個汁之後超好食!佢上面個溫泉蛋可以用黎撈飯食或著點牛肉食,隨你喜歡。泡菜黑豚石鍋飯個辣醬系另上既,唔食得辣個人都唔使擔心。如果鍾意食飯焦既記住要等耐d先至撈勻佢。原本以為d豚肉會系薄薄一片咁樣,點知原來系厚切!而且不會淨係比好多肥膏位👍🏻最後仲有北海道牛乳布丁。一入口就有超濃牛奶味,唔會系個種好假既味道。質地好滑,超易入口,明明已經食到好飽都係忍唔住食曬佢🙈 仲可以揀兩杯特飲,成個set簡直抵到爛👍🏻 continue reading
(The above review is the personal opinion of a user which does not represent OpenRice's point of view.)
Level4 2019-05-03
1187 views
Share a piece of life to the person who’s always next to you!-我鍾意簡單,唔鍾意複雜,就好似食壽司,1塊魚生1啖飯,已經滿足到我心靈同胃口既慾望,但要質素,食材就好重要,夠唔夠新鮮,賣相亦都係唔可以忽略,朋友叫我去呢間係銅鑼灣呢間人氣持續高企,裝修之後,餐牌增色不少,今次試既係勁抵食既”精選二人前”-HK$268,除左份量好多,要捧住個肚走!究竟個套餐有D咩?就睇睇佢咩料! 👇-📌蟹籽沙律 – 小食👉都幾大兜.份量十足,食得出青瓜絲好新鮮,加埋1粒粒蟹籽,非常開胃📌牛肉野菜壽喜燒(配白飯) – 四選二之一👉一黎到尋牛肉味同濃湯已經飄哂出黎,牛肉好鮮甜,無乜筋,D伴菜浸住濃湯入哂味,冬茹,椰菜,豆腐,紅蘿蔔各樣都係好好味,仲要比多個白飯你!岩哂大食既朋友呀!📌黑蒜油豬軟骨拉麵 – 四選二之一👉拉麵黎講亦唔錯啦!豬軟骨非常淋身,肉質嫩滑,湯底亦夠濃味,麵質唔錯,食得過,不過可能已經食得太飽關係,有少少半放棄狀態,最後食唔哂LOL📌監燒鯖魚 – 五選一之一👉正呀!!我同我朋友都好鍾意食鯖魚!,條魚亦煎我完美,外表有少少焦,好香口,裡面亦保留到肉汁,再配埋個sauce係完全無破綻,我貪心d,我食哂最好味最出面果d位lol, 鍾意既亦都可以擠少少檸檬皮,都幾fresh📌北海道牛乳奶凍 – 甜品👉oh!my!goodness!奶味超重,完全超越我平時食開3.6果種口感,真係要大讚,我差d想食埋我fd個杯!!!滑到不得了!另外仲有額外包左2杯無酒精特飲-白桃味同埋青蘋果味乳酸特飲,味道唔錯.而且我地係order既時侯額外點左幾個壽司試,因為適逢過左9點鐘,有唔同款式既壽司分別做緊85折同半價,我地點左三文魚,吞拿魚,海膽同油甘魚,每樣都唔差,而且折左勁抵,大家不彷一試! continue reading
(The above review is the personal opinion of a user which does not represent OpenRice's point of view.)
Level4 2019-04-23
755 views
同男朋友行完Sogo直奔去對面金百利食野 勝在夠多選擇最鐘意食日本野既我一定揀去築地 CP值高由於店面唔係話好大 如果夜啲就可能等位所以最好book定台 好受歡迎大部分份都係卡位形式 坐得都舒服平時唔想諗都實會叫佢既套餐食價錢抵過哂散叫話得CP值高 散叫當然都唔貴啦壽司刺身魚生飯都幾抵食 加埋海膽都係一百蚊左右刺身飯既份量都幾多 如果叫其他野既可以同人share海膽色澤唔算好金黃 但入口味道濃郁三文魚不太肥 剛好中和海膽肥美既口感而飯底下仲加左飯素 唔覺唔覺就食左一大碗飯啦另外再點左兩款刺身劍魚腩肉質唔似其他刺身 會較爽嫰 味道亦較清淡男朋友唔鐘意太肥既刺身 呢款就好適合佢而超愛肥美刺身既我就當然選擇三文魚腩魚腩切得薄薄地 唔會太漏食落入口即溶 油香十足呢款卷物更是驚喜之選 簡直係一次過滿足幾個願望又有灸燒海膽 又有帶子 仲有我好鐘意既牛油果海膽輕輕燒過帶出左鮮甜味 而帶子亦一貫咁好食呢個組合非常夾 推介最黎叫左款平時較少見既熟食雞卷用吉列既炸法 但仲keep到肉質滑嫰有汁三文魚籽神來之筆令味道唔算濃既雞肉添左分咸香 口感特別芝士醬不算太濃 而且雞卷包左啲青瓜漬物酸酸地中和番 所以食落唔會好膩整體食飯都好好味 2個人埋單約$400叫左咁多野又食刺身 都幾抵食 唔錯 continue reading
(The above review is the personal opinion of a user which does not represent OpenRice's point of view.)
Level3 2019-10-08
8 views
Ramen:一黎到好香既麻油味,叉燒拉麵都幾足料,有4-5塊,溏心蛋都整得唔錯,有半隻。油甘魚都幾肥,帶子都大粒,軍艦既紫菜都脆散叫既各款壽司,有三文魚,油甘魚,吞拿魚,帶子,熟蝦,飛魚子埋單唔洗加一$18x, 兩個人岩岩好Causeway bay既野食選擇好多,呢間既優點勝在好平,兩個人幾百蚊就食到飽哂,我見佢餐廳入面仲有寫9點後有壽司半價,料理都有85折,超抵食!岩哂夜左收工既人去食下Sushi~~ continue reading
(The above review is the personal opinion of a user which does not represent OpenRice's point of view.)