Video
Read full review
2024-07-13
258 views
今日同朋友去咗銅鑼灣L Square一間叫「燒肉の殿堂 」嘅本地日式燒肉店，餐廳嘅所有座位都配有專門吸油煙嘅設備，令食客唔使太驚頭髮同隨身衣物會吸晒燒烤嘅味道。而家餐廳仲做緊特別優惠，午市單點食品四點前離座七五折，晚市8:30後單點肉類更低至$48一碟，清酒全日都有七五折，沖繩生啤仲買一送一添，真係幾抵食！🍊日本A5和牛黑松露炙燒壽司極度推介大家點呢一個壽司，賣相已經非常吸引，日本A5和牛係薄切，油脂分布平均，面上仲鋪滿左黑松露。店員會先俾碟生和牛壽司你打卡影相，然後就會用火槍喺你面前燒，所以生熟可以由你決定。和牛入口即溶，再加埋黑松露令成舊壽司有唔同層次嘅味道，而且嚿壽司綻放喺一隻匙羹上面，食落幾方便🍊西班牙橡果黑毛豚腩厚切佐生菜黑毛豚肉嘅肉同油脂層層分明，燒完塊豚肉唔會太乾身，配埋爽口嘅生菜再加調味料一齊食，好惹味又充滿肉汁🍊特級厚牛舌 牛舌非常厚身，食落有口感得嚟又唔會太韌，建議大家用鉸剪切細塊再燒，口感會更加好🍊鹽蒜小牛排定食蒜蓉味雖然重，但唔會蓋過牛肉嘅味道，牛小排厚薄適中，口感唔錯🍊殿堂玉子飯白飯底加上蔥、紫菜同流心溫泉蛋，撈埋牛肉燒汁一齊食，比起白飯更惹味香口🍊Mochi
🍊日本A5和牛黑松露炙燒壽司
極度推介大家點呢一個壽司，賣相已經非常吸引，日本A5和牛係薄切，油脂分布平均，面上仲鋪滿左黑松露。店員會先俾碟生和牛壽司你打卡影相，然後就會用火槍喺你面前燒，所以生熟可以由你決定。和牛入口即溶，再加埋黑松露令成舊壽司有唔同層次嘅味道，而且嚿壽司綻放喺一隻匙羹上面，食落幾方便
🍊西班牙橡果黑毛豚腩厚切佐生菜
黑毛豚肉嘅肉同油脂層層分明，燒完塊豚肉唔會太乾身，配埋爽口嘅生菜再加調味料一齊食，好惹味又充滿肉汁
🍊特級厚牛舌
牛舌非常厚身，食落有口感得嚟又唔會太韌，建議大家用鉸剪切細塊再燒，口感會更加好
🍊鹽蒜小牛排定食
蒜蓉味雖然重，但唔會蓋過牛肉嘅味道，牛小排厚薄適中，口感唔錯
🍊殿堂玉子飯
白飯底加上蔥、紫菜同流心溫泉蛋，撈埋牛肉燒汁一齊食，比起白飯更惹味香口
🍊Mochi窩夫雪糕
伯爵茶味雪糕嘅茶味非常濃郁，用鮮奶油同吉士做餡料，窩夫唔會太腍，食落唔會太甜做飯後甜品可以當清一清燒肉完嘅油膩感
🍊玫瑰玉林、蜜桃成熟時
玫瑰玉林係巨峰乳酸再加梳打，上邊放咗幾片玫瑰花瓣，外觀非常靚，飲落唔會太甜；蜜桃成熟時係帶有桃味嘅乳酸梳打飲品，杯入面有幾片桃肉，非常足料
📍銅鑼灣駱克道459-461號The L. Square 9樓
位置就腳：🍊🍊🍊🍊
餐廳環境：🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
Post
