Hugo Le Resto Grill (Closed)

今日中午落銅鑼灣食飯，喺Fashion Walk附近有呢幢華人銀行大廈，樓上有一間環境幾清幽嘅西餐廳。有個任食沙律吧，選擇唔算多，但都有基本既沙律配料。沙律菜都有兩款，另外有粟米、秋葵、甜椒、番茄仔等等，沙律醬都有三款，我就揀左油醋，好似無咁肥嘛。最後可以落啲煙肉碎同埋麵包脆粒，夠晒脆口。主菜有十款可以揀，朋友揀左大蝦青口番茄蓉意粉（$108），我就揀左美國頂級西冷牛扒配紅酒汁（$138），呢個可以揀配薯條加菜、飯或意粉。我見出邊已經好多菜可以食，又唔想食咁多飯，我揀咗要意粉啦。等主菜期間，就飲住暖暖既羅宋湯同埋熱辣辣既餐包先。等左15分鐘左右主菜就嚟啦，個意粉係用蒜蓉炒嘅，好有蒜香。牛扒用左紅酒汁，都幾入味，同平時用牛油煎既牛味有啲唔同，將牛味帶上另一層次。咬落肉質都幾嫩，容易咬，唔會好多筋。朋友既蕃茄蓉意粉望落幾足料，我試左隻蝦，無雪藏味，幾彈牙。個蕃茄蓉做意粉汁都酸甜適中，廚師幾好手勢啊。最後就上埋餐飲，我要左杯熱咖啡，朋友要熱檸茶。自問有啲咖啡上癮而且飲得幾濃味，而我覺得呢度既咖啡都幾夠味，我本人幾鍾意，加奶之後好容易入口，唔需要加糖。呢度播住優雅既音樂，1點開始多人，枱與枱之