滿屋日本料理 (Closed)

滿屋放題 ($238 星期一至四晚)放題選擇多，刺身、壽司🍣、軍艦、手卷、天婦羅、一品料理、燒物、炸物同煮物一應俱全。草根姐妹特別推介大家要點蒲燒鰻魚!! 鰻魚厚身夠肥美，燒汁浸透整片鰻魚肉，味道超哂班!! 壽司選擇多，🍣質素唔錯，細細件，可以試多幾款。魚生新鮮，唯獨當晚嘅大赤蝦，唔夠鮮，有腥味!放題出面有個自助區，沙律、炸物同甜品都可以自己拎，,不過呢part特色就唔大。最特別係每人包一杯特色雪糕。有2款必試，道地蜂蜜綠茶同HaagenDazs日式紅豆糯米糍栗子雪糕。蜂蜜綠茶，冰感較重，有茶嘅甘味。紅豆糯米糍栗子雪糕，上面有一大舊可以拉絲嘅糯米糍，甜道較高，但嗜甜嘅草根姐姐就好中意。飲品選擇多，仲有個暖飲櫃。連清酒都可以自己任斟🍶，呢間真係幾抵食！😆整體食物質素係唔錯，收碟快，服務都幾好，不過座位就較逼，張枱又太細，放唔到好多野呢!