申子居酒屋

Open Now

Now Closed

見最近午市割烹有6折咁抵黎食lunch ! 木系暖燈，夠哂格調，可以同朋友食住慢慢傾。🥢壽司定食（廚師發辦）配 雞白湯手打烏冬壽司6件，刺身2件食材新鮮有驚喜，特別鍾意鰹魚壽司，輕炙過外層燻香，內裡嫩紅，油脂滲出味道甘香！ 帆立貝壽司透明光澤，入口鮮脆。 配上濃郁雞白湯烏冬，手打麵條，煙煙韌韌！仲有小食，汁煮牛舌、蟹肉蟹籽沙律、麵豉湯，整份定食飽肚又豐富！ 🥢牛肉壽喜燒鐵鍋上，夠暖心！牛肉油脂紋路均勻，肉味香濃嫩滑。關東風湯底，甜度溫和，野菜滑豆腐超吸湯 ！ 配白飯，仲可以追加添！ 🥢汁煮左口魚群邊火炙過既左口魚邊，逼出焦香，群邊部位爽滑帶油脂，汁煮入味又有魚鮮。加埋三文魚子更鮮味！