古早味台灣原味 (Closed)

2018.8.5（星期日）今日同老公行銅鑼灣，路過京都廣場樓下見到呢間台灣古早味，見好耐無食台灣野，所以突然心血來潮決定一試！餐廳係樓上舖，但人流都算好多，而且環境也不錯👍🏼食親台灣野，老公實必點鹽酥雞，今次都不例外，點了個蒜味鹽酥雞$38，鹽酥雞炸得好香脆亦好夠入味，係蒜味稍不夠濃，不過勝在新鮮香脆可口另外又點了個花枝蝦餅$38，花枝顯而易見而且味道好夠，好香脆可口夠爽彈，值得一贊最後，點了個干貝櫻花蝦荷業飯$88，呢個飯真心值得推薦櫻花蝦分量超足，簡直多到滿瀉！荷葉飯採用糯米飯，整得香口油潤夠煙韌乾身，配上櫻花蝦惹味十足！兩個人share份量剛好,好飽肚！就算三至四個人share都可以！然後可以搭配更多小食！飲品方面，老公點左胚芽珍珠奶茶$19，不過不失，味道很好。而我就點左芋香珍珠奶茶$19，稍嫌芋香味不夠，味道偏淡，但都可以接受。總括而言，價錢大眾化，古早味道很好👍🏼服務亦十分有禮。