小王牛肉麵 (Closed)

2個人星期日晚上7:00去到小王牛肉麵，排左大約5-10分鐘已經有位，比預期中快。入到去見到杯珍珠奶茶個杯幾靚，嗌左杯黎試下，由於唔係幾好甜，所以叫左微糖，唔錯唔錯，唔會太甜又唔會太淡，味道岩岩好，不過就略為細杯左dd。主食我地叫左台式滷肉油炸大排飯同沙茶牛肉拌麵，黎到先知原來炸大排唔係炸排骨，原來係炸豬排xdd (好啦係我孤陋寡聞啫，應該係台灣叫法唔同) 。沙茶牛肉拌麵d牛肉有d似沙爹牛肉，個麵質幾好，幾彈牙！！最後少驚喜係埋單時見到堂食用銀聯信用卡埋單有9折，實測過真係有，如果去食記得用銀聯信用卡呀。