金記冰室 (Closed)

一個下雨的星期天，忽發奇想想食炸雞脾，於是就上網搵下有邊度有得食~一搵港式冰室~就見到金記冰室~就立即出發~去到西營盤站搵唔到B3出口~唯有係B2 出左再行過去喇~一去到就即刻有位，一坐底就睇下有咩食喇~最後叫左: 瑞士汁牛河; 炸雞脾; 炸魚薯條同菠蘿油; 飲品:奶茶瑞士汁牛河: 有D鑊氣，但係唔係好覺得有瑞士汁，食到最尾個底略油~份量略少~炸雞脾: 一黎到，以為黎左豉油雞脾 ~.~個色真係有D似~一切開睇茖好似好乾，但係食落都可以，唔算好柴，塊皮少脆，D肉就比較淡，唔係好食到有味。之後落左D鹽幫補下，好味好多~炸魚薯條: 個魚好脆好滑同好juice，個薯條就一段，可以再炸得透D，薯條緊係要脆卜卜先正架ma~菠蘿油:好一般~唔熱同塊牛油如果厚D就會好D~同一般茶餐廳既差唔多~黎到冰室就熙係要試下個奶茶喇~聞落都幾香，聞到奶味，但飲落就唔係好飲到奶味，淨係得茶味。仲有少少澀tim~整體:唔錯，可以一試~