金紫荊生記粤菜廳

Open Now

Now Closed

第1日BB展一早就去咗掃貨，行咗幾個鐘已經又攰又餓。就同朋友去咗會展樓下商場 #金紫荊生記粵菜廳 HighTea 😆。餐廳環境優雅舒適，落地玻璃仲望到維港風景。我都係第1次食中式 #點心HighTea ☕️，感覺幾特別。呢個餐有12款食物，可選中式或西式茗茶。點心包括：荔茸天鵝酥🦢、筍尖蝦餃皇、手工切肉燒賣、松露水晶餃、芋絲素春卷、煙燻素鵝🫔、奶皇流沙包、太極馬拉糕、3.6牛乳布甸、椰汁紅豆糕、懷舊芝麻卷、白糖糕。點心大部分都唔錯👍，我喜歡造型可愛嘅 #荔茸天鵝酥，外層酥脆，荔芋香甜粉糯。另外 #煙燻素鵝 食落有濃郁煙燻香味，味道充滿整個口腔，一試難忘。甜點就喜歡3.6牛乳布甸，香濃奶味配上養顏桃膠，健康好味😋。另外 #白糖糕 同 #懷舊芝麻卷 都唔太甜，充滿傳統風味值得一試。整體食物都很好，唔怪得係 #米芝連指南 新入選推介餐廳。