Video
10-min walk from Exit B2, Exhibition Centre Station
continue reading
Telephone
25827729
56973088 (WhatsApp)
Introduction
This Chinese restaurant is operated by Sang Kee Catering Group. It uses local ingredients and seasonal seafood to offer a new dining experience with traditional craftsmanship.
continue reading
Additional Information
獎項殊榮: 《香港澳門米芝蓮指南》餐廳2022, 2024
Opening Hours
Today
11:30 - 15:30
18:00 - 23:00
Mon - Sun
11:30 - 15:30
18:00 - 23:00
Above information is for reference only. Please check details with the restaurant.
-
Online Booking Service Not Available
1141 views
生記飯店呢個招牌應該好多愛吃嘅人都會有認識，自1976年創立以嚟，一直主打傳統粵菜，幾年前金紫荊旁香港會議展覽中心嘅生記粵菜廳，更加係商務食客必到嘅好地方。上次食飯，由於朋友要搞局招呼大部份未食過嘅食客，冇咗佢哋可以試到大部份嘅招牌，佢叫洪師傅精心挑選咗八道最受歡迎嘅佳餚，咁你唔會錯過任何嘅好菜式。「焦糖伊比利亞黑毛豬叉燒」係其中一個必試嘅菜式，佢選用西班牙黑毛豬嘅最佳部位，外表烤至紅褐色，還要用明火炙燒，出嚟嘅叉燒烘托出一種焦香四溢嘅香味。食落去實在柔軟多汁，脂香濃郁，層次感好豐富，當你咬下去嘅時候，嗰種甜中帶鹹嘅滋味真係令人想不停回味。接下來的「香蔥海鹽煎馬友」，就係用咗一啲小心思，馬友魚首先人手去骨，然後浸泡入味，最後用蔥油慢煎至金黃色。咬下去外皮先係香脆，然後再嚐到魚肉的鹹香和鮮嫩，特別搭配細蔥一齊食，送飯一流。「柚子黑醋脆皮百花釀遼參」，外面脆皮包住鮮甜嘅蝦膠，加上柚子黑醋汁，實在係個味覺盛宴。每一口咬落去都能感受到脆、嫩、甜、酸的多重味道，絕對係不得不試嘅一款。「蜜餞火方玻璃明蝦球」，呢個明蝦球真係大得驚人，遠睇差唔多一個雞包咁大，食落去感覺鮮嫩而且與蜜餞火方一齊食時，嗰種甜中帶鹹嘅滋味好夾，絕對令人難以忘懷。「花雕雞油鮮拆澳洲龍蝦配陳村粉」就更是驚喜嘅一款，雞油同花雕酒蒸出來的陳村粉，每一口都吸滿酒香，加上新鮮嘅澳洲龍蝦肉，同之前喺嬌姐食到嘅各有千秋。「玻璃脆皮貴妃雞」，雞肉用火腿、瑤柱同蝦米咁熬製出來，味道已經很不錯，最特別就係上桌前用熱油淋上去，令到雞皮薄如紙、脆如玻璃，口感層次非常豐富，真係好嫩滑。至於「招牌火焰鹽焗雞」，呢道菜就係深受食客熱愛，雞肉浸過粗海鹽，然後用牛油紙包裹，最後上桌前用白酒點火，嗰陣香氣真係令人食指大動。撬開洩出嘅鹽層，你會發現雞肉嫩滑，仲有多咗一份獨特嘅濃郁滋味，最正嘅係好玩又好睇。最後，「焗鮮拆蟹砵」用上膏蟹蒸熟拆肉，蟹殼用來熬湯，加上各種食材，真係唔浪費任何材料。不過，火侯有啲過左少少，如果時間掌握好一啲，可以更輕盈就更加完美。
continue reading
會展裏面有間特高玻璃幕牆，飽覽維港景色嘅粵菜廳✨呢度可以睇到煙花㗎🎆 開業一年就入選米芝蓮推介🏵️ 承傳傳統粵菜精髓，保留45年傳統手工菜式，加上創新的意念及配搭，帶出新派粵菜的獨特精髓，全因洪家種師傅堅持嚴選優質食材及力求精緻製作，獲得讚賞及支持👏🏻👏🏻🤎自家製作手工極品XO醬，裡面有乾瑤柱，醬香濃郁，瑤柱鮮香，帶點微辣配搭麵食好惹味🧡琥珀合桃：香甜濃郁，入口酥脆帶甜甜哋，令人愈食愈想食😹前菜🍖焦糖伊比利亞黑毛豬叉燒：配搭蜜豆❤️ 叉燒表層呈焦糖色，入口肉質鮮嫩，甘香四溢，半肥瘦都好美味😋🫔龍井煙燻素鵝：外皮略脆，中間包住紅蘿蔔絲、木耳絲、入口清爽帶有獨特煙燻香味湯品🍲竹笙杞子肉汁燉花膠：用煲暖住上枱，湯底濃濃肉汁香氣，花膠滑嫩，滋補養生🥰主菜🦞雪裡蕻焗鮮拆波士頓蝦球：龍蝦鉗啖啖肉鮮美，仲有蝦球鮮甜美味，雪裡蕻喺芥菜嘅一種，入口清爽香氣四溢！🦪陳皮菌香醬蒸南非鮑魚：鮑魚質感厚實彈牙，已經剪開3小塊，方便食用，表面嘅陳皮醬超濃郁！！🐟香蔥鹹肉蒸馬友柳：魚肉嫩滑鹹鮮好味！外皮略脆～🫛崧子百合蜜豆：清甜可口，百合脆嫩，口感豐富！🍜鵝蔥油撈手工麵：麵條Q彈，鵝油香氣撲鼻，表面撒有蝦米🦐 配搭蜜豆一齊食唔錯！甜品☕️薑茶豆花：菊花豆花超靚🌼刀工一流😍 薑汁味濃郁，豆花靚靚滑嫩，飲完成個人都好暖笠笠🖤伴懷舊芝麻卷：表面有金箔，芝麻香氣撲鼻，質感柔軟點略Q彈～
continue reading
今天到了金紫荊廣場前的博覽商塲內的米芝連粵菜廳午膳，無論是進食環境、員工服務和食物質素都非常理想，真教人滿足。～前菜：焦糖伊比利亞黑毛豬叉燒、龍井煙燻素鵝、話梅聖女果車厘茄子甜甜酸酸，頓時打開了味蕾。焦香叉燒腍滑惹味；素鵝煙燻味突出、木耳蔬菜𢇁爽口。～精選老火靚湯粉葛骨湯清甜可口，清熱祛濕；既健康又味美。～點心：手工切肉燒賣、黑松露水晶餃燒賣彈牙味鮮，水晶餃黑松露味突出。～蔥燒鱈魚柳鱈魚白滑厚肉，皮亦煎得脆口，味道鮮美，令人一試難忘。～芒蝦紫菜湯雲吞四大隻雲吞包得結實，爽口彈牙；湯底加入了蝦皮和紫菜，清新甜美。～精美甜品紫米露不會過甜，粒粒紫米煮得恰到好處，既有咬口又淋滑。這店果然不會令食客失望。食物選材、烹調方法和擺碟都是一流，令人食慾大增。不可不提這店員工殷勤的招待，令食客有賓至如歸的感覺。
continue reading
米芝蓮推介餐廳🌟金紫荊生記粤菜廳🌟位於香港會議展覽中心，喺正🌷金紫荊廣場隔籬！餐廳裝修富麗典雅✨，外望海景🌃，環境一流👍🏻！🌟傳承美饌套餐 $988/4位用🥟筍尖蝦餃皇新鮮大蝦配筍尖，爽口美味！🥟黑松露水晶餃外皮軟糯，內餡帶少少黑松露嘅香氣！🐓XO醬蒸鳳爪加入XO醬，味道更為濃郁！🧡羅漢腐皮卷口感極為酥脆，十分可口！🍲木瓜雪耳煲唐排足料靚湯清甜好喝又夠滋潤！🦞鮮拆龍蝦球粉絲煲約一斤嘅澳洲鮮活龍蝦，起成龍蝦球，粒粒爽彈甜美！🐓玻璃脆皮貴妃雞層皮真係做到好似玻璃咁，透出光澤而且脆口！雞肉亦頗為嫩滑，正！💜紫米露｜🖤芝麻卷粵式酒家傳統嘅甜品芝麻卷，同埋紫米露，甜度啱啱好！
continue reading
位於會展新翼嘅🌹金紫荊生記粤菜廳，係一家榮獲🌟米芝蓮推介嘅食府，供應精美又富創意嘅粵菜！🦞傳承美饌套餐 $988/4位用🥟精心四式點心筍尖蝦餃皇 - 蝦肉爽彈，皮薄餡靚！黑松露水晶餃 - 帶少少黑松露香，外皮煙靭！XO醬蒸鳳爪 - 軟糯入味，醬香濃郁！羅漢腐皮卷 - 酥脆嘅口感真係好正！♨️時令足料靚湯時令湯水為木瓜雪耳煲唐排，清甜好喝！🦞鮮拆龍蝦球粉絲煲套餐主打嘅菜式，採用約一斤重嘅鮮活澳洲龍蝦！龍蝦球爽口鮮美，粉絲索滿醬汁同埋龍蝦嘅精華，好睇又好食！🐓玻璃脆皮貴妃雞雞皮香脆，雞肉幼嫩，連胸位都係軟淋可口，水準極高！🫘完美甜品配精美糕點甜甜哋嘅紫米露，配傳統手工甜品芝麻卷，唔錯！
continue reading