陳師傅自製點心專門店

Open Now

Now Closed

排隊情況：星期六中午十二點幾入座，唔需要等位。但過多咗兩三個字就見出面要等。但今日兩人就要搭枱，唔舒服，枱都唔夠大仲要搭檯，張檯同時只可以擺到3碟野食，多啲都隨時跌落地，蒸籠仲要棟住黎擺。飲茶最重要係個茶，真係好唔掂，無茶香另有啲怪味，懷疑係佢地個茶袋問題，第二次加水飲落仲有啲鏽味。仲要茶壺個嘴崩晒有啲漬，已經覺得唔太衛生。就連腸粉隻碟都崩嘅。食物質素：一般至低。如果真係要食，個人覺得百花釀魚肚幾juicy，豆苗餃入面啲蒜唔錯。但千祈唔好叫流沙奶皇煎堆仔！未試過食一團粉嘅煎堆張相影得真係樣衰咗啲，但就咁望都見到嗰團粉，嗰啲唔係奶皇，係煎堆嘅皮。真係咬咗一半就食唔落。腸粉不過不失，但略嫌腸粉個皮厚咗啲，如果薄返少少會更好。仲有個生炒糯米飯，本人比較小食，但感覺啲飯真係有啲硬，覺得有啲哽胃，唔知係咪本人食得少唔識野，但真係食唔得多，加上佢啲花生唔新鮮，有啲淋。真係有啲一粒老鼠屎，壞了一鍋粥嘅感覺。服務：其實都無乜服務可言架啦，繁忙時間唔夠人，個茶想加熱水都至少叫三四次先加到。呢間真係無下次。本身無諗住打食評所以無影到相。但我見新開一排大家都可能想知就盡量分享一下。