滬江飯店

Open Now

Now Closed

本身同朋友去食生日飯，都好開心，d野本身都好好食，尤其條甜酸松子魚，好醒胃。仲有要預訂既豆腐餃子都幾特別。所有野我都覺得好味，價錢又幾好。只係.......到我地食完晒咸點，等緊甜品上既時候，俾我地見到污JOE野，侍應用了兩秒清理，之後好似冇事發生過咁，連對唔住都冇同我地講聲。我覺得好過份。我明白佢梗係想扮無野，唔會引起大家哇然，但我地真係嚇一嚇喎，俾d誠意講聲對唔住都應該，咁大間門面光鮮既鋪頭。聽講又話多明星捧場添，0個日我地走時，見到陳德蓉坐我地張枱。我當堂冇晒胃口，不過同班fd開開心心食飯，好快又唔在意喇！甜品都ok，但始終都係有陰影。