Burgeroom (美麗華廣場1期) (Closed)

本來諗住去諾士佛臺搵嘢食，但行過Mira見到呢間Burger好似幾吸引，就決定入去試下。好彩時間尚早，walk in仲有位。芝士旋風薯條鍾意食脆口薯條嘅，一定唔可以錯過呢個旋風薯條。 類似扭扭薯條，但每條都炸得好香脆香口，再淋上半溶嘅芝士，非常可口。軟殼蟹漢堡軟殼蟹食得多，咁大隻蟹鉗嘅都係第一次見。軟殼蟹上嘅炸粉份量啱啱好，蟹鉗咬落去既香脆又啖啖肉。漢堡包面嘅芝麻好香，而飽身亦好鬆軟，一口咬落去同時感受到軟殼蟹、生菜、番茄同醬料嘅多重口感。特量芝士牛肉漢堡一嚟到已經畀漢堡嘅份量嚇親，基本上厚到冇可能一啖食得曬。特量芝士嘅份量亦都好驚人，半溶嘅芝士流曬出嚟，非常吸引。牛肉剛剛煎好走上枱，食落仲感受到佢嘅餘溫。 牛肉嘅肉汁非常豐富，一咬落去已經肉汁已經不斷湧出嚟，再俾包吸番肉汁嘅精華，非常可口。菠蘿冰茶茶底夠濃，唔會畀菠蘿汁搶過味道。茶入面亦有菠蘿肉，飲落好清甜。