885
61
20
Exit B1, Tsim Sha Tsui / East Tsim Sha Tsui MTR Station, Exit N5, Tsim Sha Tsui / East Tsim Sha Tsui MTR Station continue reading
All Branches (2)
Telephone
37020361
Introduction
The restaurant is decorated in an industrial style, the environment is spacious, and there is a bar, which provides beer, red wine and white wine. The restaurant offers a variety of burgers with rich ingredients, such as avocado, beef, foie gras, and cod fillet. The foie gras beef burger is the most popular. continue reading
Opening Hours
Today
11:00 - 00:00
Mon - Sun
11:00 - 00:00
Public Holiday
11:00 - 00:00
Public Holiday Eve
11:00 - 00:00
Payment Methods
Visa Master AlipayHK Alipay Cash Octopus UnionPay Apple Pay Google Pay
Other Info
Prevention of disease
Online Reservation
Alcoholic Drinks
Cake-cutting
Phone Reservation
Reward Dining Points
Spot payment
About Reward Scheme
Review (1045)
Level4 2021-03-12
1072 views
餐廳環境黑黑地,夠chill可以同朋友吹水,情侶撐枱腳又得。提供牛、雞、海鮮、素漢堡,適合各類人士,又有炸物小食。晚市7點左右到,已經幾乎full。叫左大烤菇芝士牛肉漢堡($110),牛油果醬芝士雞柳漢堡($98),芝士旋風薯條($60),鱈魚手指配他他醬($55),自家製菠蘿冰茶($38)。所有漢堡除加煎蛋外,會切開2份,唔鍾意切開既話落單前可以提出。漢堡超高厚身,塊牛肉漢堡同塊麵包一樣咁厚。就算拎起半份,d餡好豐富,好難夾得實,要好小心食呀。牛肉肉汁邊食邊流出黎,好重黑胡椒味,唔膩。大烤菇既口感好似食緊肉咁,感覺好似有2塊肉,帶d甜味。蕃茄少少酸,可以中和濃郁既肉味。雞柳漢堡相對上冇咁高身,但同樣大份。牛油果醬多到瀉,食到有少少少少辣味。雞柳係雞扒好厚一大塊,咬第一啖邊位,都已經食到雞肉。食到底層麵包開始吸左d肉汁,變軟左少少。旋風薯條呈圈圈咁,有別於平時食既直薯條,夠得意。炸得脆,唔熱氣。芝士半溶淋上去,過一陣食芝士就會變固體少少,但冇損味道。炸鱈魚條外皮脆口,內裏軟,配埋他他醬凍凍地,幾夾。冰茶底部有大量菠蘿肉碎,所以飲前要攪一攪勻。陣陣茶味,飲完冇咁熱氣既feel。整體,餐廳有勁多款漢堡,睇到眼花撩亂,款款都好吸引。食完果然冇失望。女仔食半個,都其實好飽肚,仲有多款小食揀,所以性價比高。仲可以靜靜地食,侍應由帶領入座到離座,都招呼周到,難得。 continue reading
(The above review is the personal opinion of a user which does not represent OpenRice's point of view.)
Level4 2021-02-18
1767 views
慶祝生日唔一定要去高級西餐廳,今日同朋友慶生,去了Burgerroom食個奢侈的漢堡包,一樣食得好開心!餐廳樓底好高,座位非常多,坐得很舒適,朋友都喜歡。而且全日無加一服務費,雖然以食漢堡包來說價錢是貴一點,不過食完覺得質素很好,也很滿意。這裏的漢堡可加$30配成套餐,有直薯條和飲品。因為朋友看中了鵝肝鱈魚柳漢堡$168,以鵝肝來配漢堡,感覺的確奢侈!而下午茶時14:30 後有$60迷你漢堡餐,這個也很抵食,也來一個。另點這裡的招牌單骨雞翼$60,這頓生日飯夠豐富了吧?沒想過這裏正常size的漢堡是非常大個,鵝肝鱈魚柳漢堡已幫你分成兩半,最頂放著香煎厚厚的鵝肝。鵝肝入口即溶,油香在口裏迴盪,韻味悠長,水準不錯!鱈魚柳以吉列炸粉炸得非常香脆,裏面說鱈魚滑滑的又有水份;還要一讚漢堡包的包皮很鬆軟,帶點脆脆的口感,因為有輕烤過像脆多士般,真的是用心做漢堡。朋友的餐飲點了熱玫瑰朱古力,朱古力味道較淡,比較多牛奶,但飲得出很香的玫瑰味。而我的餐飲點了可樂,吃漢堡包總要有可樂才滿足。套餐有薯條和沙律,沙律醋是柚子醋, 微微酸甜味道,感覺清新舒適。直薯條大大條,炸得香脆,薯條粗身又夠粉,可以自助取番茄醬和黃芥辣醬,增添美味。迷你漢堡包餐,包直薯條和汽水,真的算抵食。選了牛肉漢堡,說是迷你,其實都非常夠飽,牛肉厚厚的,裏面肉汁豐富,好香牛肉味,又不覺得肥膩;值得一讚的還是漢堡包皮,烤成金黃色,外脆內軟,有番茄生菜 沙律醬等增添濕潤感覺,完全吃到正宗漢堡包味道。小食香辣單骨雞翼配蜜糖芥末醬,這個蜜糖芥末醬非常好味,有蜜糖的微微香甜,又有芥末的香氣,味道不咸,點雞翼吃增添濕潤感覺。單骨雞翼炸得很香脆,雞肉仍然有水份,而且單骨吃得很方便,所以是招牌菜呢!吃得超飽的,埋單$318,朋友也很滿足,十分滿意漢堡包的水準。下次再來的話,可以點一個正常size 漢堡包餐兩人吃。 continue reading
(The above review is the personal opinion of a user which does not represent OpenRice's point of view.)
Level4 2020-12-31
772 views
今日除夕我哋想出去食午餐享受下😊來到尖沙咀美麗華商場,食burgeroom。這裏的漢堡選擇很多,有傳統牛肉、雞肉、魚柳、軟殼蟹、蠔、素等等。我哋今日主要叫咗一個牛肉一個雞肉嘅burger。Lunch 也可配餐,有普通直身薯條及飲品。burger上台之前店員已經好細心幫我哋切開一半。佢哋嘅burger好大份,我哋未有能力可以一啖食到全部餡料🤣 牛肉漢堡扒好厚好重牛味,底和面兩面都煎得好香。包鬆軟,塗上牛油令整更香。大啡菇好juicy, 蕃茄多汁及生菜清爽脆口好新鮮。薯條炸得好乾身香脆,有薯仔香味。我哋另外加咗芝士醬(醬熱上,好細心😊)芝士味香濃,配合薯條食好夾牛油果醬好厚,好有果香,配合煎得香脆嘅雞柳,好味!綠茶味道香濃,配合埋牛奶好幼滑。朱古力味重,也帶有榛子嘅香味。整體來講這間美式快餐食物品質唔錯,餐廳環境有氣氛,價錢亦合理😊 continue reading
(The above review is the personal opinion of a user which does not represent OpenRice's point of view.)
喺美麗華行街,揀咗呢間人氣漢堡店食!餐廳美國風格,都坐得幾舒服。漢堡嘅選擇多到頭都大,有選擇困難症,樣樣都想試😂諗咗好耐先決定到食邊樣!🔸牛油果醬芝士牛肉漢堡 🥑Guacamole Cheese Burger 🍔 鍾意食牛油果嘅朋友唔好錯過,佢個牛油果醬調較得好好同芝士好夾!最正係塊牛肉漢堡,好大塊厚切嘅,咬落去牛味都幾重🐮呢個漢堡包用咗千島醬,酸酸甜甜,好開胃,啲汁都幾多!🔸大烤菇鱈魚柳漢堡Portobello Hoki Fish Burger🍔 一上枱份量好足好大個,魚柳好大塊😍已經切開一半,好貼心。可以同friend share兩個味!大烤菇唔會太乾,保留了肉汁。烤鱈魚柳炸得金黃色,食落好魚肉滑好多汁,無魚腥味,再配上甜酸醬和蕃茄生菜好開胃,食完好有飽足感。🔸雞肉條配蜜糖燒烤醬 🍖雞肉條炸得好香脆,雞肉好嫩滑,無骨咬落去啖啖肉,有少少辣,點下香濃嘅BBQ醬,幾好食😋🔸蜜桃冰茶🍹自家手調既冰茶,唔太甜,幾好飲!呢度仲有下午茶,都幾抵食! continue reading
(The above review is the personal opinion of a user which does not represent OpenRice's point of view.)
放工去咗尖沙咀行街,順便食晚餐,我哋揀咗食美麗華廣場嘅「Burgeroom」。尖沙咀實在太多嘢食,所以經過餐廳好多次,都淨係👀留意到個門面。原來餐廳面積唔細,而且有好多座位,裝修亦非常型格😎,頗有心思的。喺星期一晚上,餐廳坐滿八成人,人氣高高的!其實我好多年前食過餐廳喺銅鑼灣嘅舊舖,但都係呢年先對漢堡包有翻興趣🙈。短髮女店員帶我哋入座,仲好清晰講解落單流程👍。我哋可以喺位慢慢揀食乜,先出去收銀處Order,其後店員就會幫手送餐。題外話,餐廳免收加一服務費㗎。我哋要咗兩個漢堡包同兩款小食,晚市就冇做套餐,所以價錢一般般啦。我哋冇諗過啲漢堡包🍔有我塊面咁大個,超巨型😱。如果一早知,我哋應該只會嗌一個,因為都夠食,反而食多啲小食。菠蘿煙肉牛肉漢堡($98),加酸瓜片🥒以及蜜糖燒烤醬,每款配料各加$10。個人幾鍾意用上菠蘿🍍作為食材嘅菜式,而漢堡包我亦都鍾意加煙肉🥓。不過呢個包夾咗好多嘢,所以都好高,好難一啖食晒。我追加嘅酸瓜份量好多,幾抵食。特量芝士牛肉漢堡($110),特量芝士果然冇呃人,🧀車打芝士直頭遮住曬塊漢堡扒!漢堡扒幾厚身,亦算多汁。兩個包同樣用上🍅蕃茄同羅馬生菜,以及餐廳嘅自家製醬汁。上層嘅麵包正常,但下層嘅包就濕咗啲。芝士旋風薯條($55),旋風薯條即係薯圈,唔係好多地方有得食,個人認為好食過幼薯條🍟。芝士份量唔孤寒,不過記得要趁熱食,如果唔係芝士就會凍咗,唔再流心。蜜糖辣雞翼($60),🍗雞翼有六隻,辣味比蜜糖味出,但辣度唔會太勁,我都食到。雞翼唔算太熱氣,幾好。凍玫瑰朱古力($44),凍朱古力好大杯,但個杯有啲似茶記嗰啲,冇乜造型可言。🍫不過朱古力味道濃郁,冇溝水,而且玫瑰味輕輕咁滲出來🌹。總括嚟講,估唔到食漢堡包都可以食到咁飽🤰。諗落餐廳以漢堡包店來講環境算係好舒服,又可以慢慢坐。另外,餐廳有用隔板將每張枱隔開,食客就可以安心進食。 continue reading
(The above review is the personal opinion of a user which does not represent OpenRice's point of view.)