Burgeroom (美麗華廣場1期) (Closed)

最近成日食日本野，同同事就決定放工去食美式漢堡，轉下口味。大啡菇芝士漢堡真係每次食都唔會令我失望，大大份，細食啲嘅女仔仲可以share食，叫多份小食。漢堡層層分明，大啡菇吸哂牛肉嘅肉汁，漢堡扒好juicy，外表微微煎香，最底層嘅蕃茄同生菜就略帶新鮮作用，減低芝士嘅膩感。蜜味辣雞翼雞翼隻隻睇落都脹卜卜，好有肉地，辣味比蜜糖味中和咗，所以唔會好辣，雞皮微微焦香，好香口。布里芝士餅芝士味好出，仲做到拉絲效果！奇異果汁食咗咁多熱氣嘢，就叫咗杯果汁fresh 下，酸酸甜甜，都幾開胃，仲有唔少奇異果籽，好健康。難得地，餐廳仲要係免加一。