一向食開油麻地金山, 想食奄仔蟹焗糯米飯,油麻地金山d店員話佢地倫敦廣場7樓有得食,於是一試,點知無糯米飯,只有奄仔蟹蒸飯,都接受,於是叫左油鹽水花甲, 砵酒焗鱔,同奄仔蟹蒸飯,因為知道奄仔蟹只有3-4兩大,所以叫侍應稱兩隻奄仔蟹,之後無拎d蟹比我地睇淨係話1斤2兩,即係18兩, 9兩太大,叫佢改為一隻,點知前後只係一分鍾之內,佢竟然話已經殺左兩隻蟹! 我心諗有無可能咁神速呀? 問佢,我有無得選擇,佢望左一望經理,然係話無!
好! 算! 硬食!
油鹽水花甲:
叫左唔好落冬菜雪菜之類,結過照落!
砵酒鱔 一般,不過有少少炸得勁過頭, 都接受到!
奄仔蟹蒸飯 黎到,當堂O嘴! 有兩隻小蟹毛放在面前! 蟹殼長度約3寸! 大佬呢隻蟹最多3兩左右, 你竟然話有9兩? 即叫經理來,我問佢:呢兩隻就係 你同事講18兩重的蟹?
經理:ae...! 我地每隻來貨價都80蚊! (我問重量,你講來貨價做咩?)
我: 我指重量woh?
經理:我地會計埋d繩....
我:繩? 你知道海關條例嗎?
經理:知道! 不如我減返比你?或者cancel!
我:咁計幾多?
經理:12兩
我:只有6兩蟹,計12 兩?
經理:ae......!
我:咁cancel啦!
經理:好!
呢碟野佢原本計(18/兩x18兩+ 30蚊飯錢)x1.1(加一服務費)=HK$390!!!!是否過火左D呢?
The above review is the personal opinion of a user which does not represent OpenRice's point of view.
2
JosephWoo4910
欣赏你對這樣恶劣的，近乎哄騙的作風：說不！堅持而冇须大聲！若人人都持算啦的態度，*只會成為美食地獄，其实，你是慳了自己的寃枉錢，又塞錢入金山袋。何樂而不為！
jackych5988
香港食計重量食物既地方好多,但很可惜,重量與事實不乎的實在太多,估唔到呢間老店新分店都有這種手法,實在感到宛惜! 或者咁講,香港租金太貴!
HCLF
多謝你公開真相！否則又多一個被騙！
Date of Visit
2016-04-14
Waiting Time
2 Minutes (Dine In)
Spending Per Head
$102.5 (Dinner)
