三川居酒屋 (Closed)

重質不重量嘅我，梗係要食啲高質野！呢一間居酒屋喺銅鑼灣嘅地庫，都幾隱蔽，但就勝在夠私人度！我同朋友就嗌左呢個刺身二人前，啲刺身嘅種類非常之多，而且每一舊嘅水準都中上！尤其係佢嘅油甘魚，食落去好鮮甜！之後嗌左佢呢個蟹肉炒飯，啲蟹肉超級多而且個炒飯都炒得好好，唔會好乾或者好濕。個味道唔會話好重，食落去食到蟹肉嘅味道！如我哋上網見到呢個芝士蠔蘑菇好吸引，所以都嗌咗一個嚟試吓！佢嘅芝士超級多，但係食落去又唔會好流。入面隻蠔都幾大隻，個蘑菇都好厚身！食落去都好飽！