珍珠皇宮印度餐廳

Open Now

Now Closed

重慶大廈嘅正宗印度餐廳你又食過未？原來最近ERROR都有黎過，今日我就冇大家黎試下喇。餐廳都幾多外國人幫襯，餐廳佈置典雅，座位又闊落。Lamb rogan Jose 印式燴羊肉$118個印度curry汁勁濃厚，香料味香濃，羊肉肥瘦均勻有羊味，爸爸話送飯好正。Dahi Poori $78乳酪脆米球好特別嘅一道小食，米球炸到好脆，內有印度🇮🇳鷹咀豆同乳酪，乳酪中和左下微辣，少少甜又少少辣，我都係第一次食咋。Goan fish curry $118椰汁curry魚加入椰奶嘅印度咖哩魚，濃厚鮮美嘅咖哩醬汁喺印度叫Molee醬，送飯吃或沾著麵包吃都好味。Peshawari Naan $45乾果果仁蓉烤餅呢款烤餅好特別，烤餅中包住好碎碎嘅果仁同乾果，口感十足，質感帶少少濕潤，味道鹹鹹甜甜，有驚喜。Roti $18原味烤餅質地乾身，口感柔軟又有嚼勁，配上咖喱一起吃，香口美味。Saffron Pullao $35印度黃飯嘩！份量超大呀！係將好長粒嘅飯粒炒至乾身，飯粒粒分明，就咁食都好味，沾上咖哩食有另一番風味。Mango Lassi芒果奶昔 $42超濃郁，啖啖芒果香。