漁獲浜燒 (Closed)

戒口一年，終於重回美食的懷抱。第一擊就係我最愛的日式海鮮店。熟悉的環境，依舊友善的服務。令人開胃的前菜。對於我，真正的前菜係久違的海膽。甘香甜美，質感又軟滑，配上脆卜卜三文魚子，係超完美的手卷。再來甲羅燒，蟹膏的味道好濃郁，而麵包糠係好好的點綴。燒牛舌就口感取勝，厚切得來又唔費牙力，表面仲有少少香。燒魚同鰻魚都好惹味，簡單得來唔會令人失望。至於海鮮盛合，今次upgrade左做鮮北寄貝，更有睇頭。睇住佢地慢慢成為美食，係幾治癒的事。果然好鮮甜又juicy。鮑魚口感好出色！大個女，食飯總要配點蔬菜，出街食都唔例外。食得飽飽，但味蕾仲欠一點滿足感，正正就被呢兩個甜品填滿了。