心夜來潮 (Closed)

ABC朋友話未食過潮州菜wo~ 於是,我就帶佢試下乜野係潮州菜啦～ 等佢知道香港唔係得 上海菜，川菜同粵菜既～ 好喇～ 就帶佢試下旺角既心夜來潮啦～ 聽講入面既潮州菜，唔係平時食既打冷～～～所以決定試下～砂鍋蟹粥，潮洲粥，飯同水係分離。由於蟹唔係同粥一齊熬製，所以粥只係得味精味，無蟹既蟹既解甜。但蟹就ok 甜既～ 手工捻面猴，單睇名完全唔知係乜黎～ 上到台一望，有啲似刀削麵，但就唔係刀削，係用手摵麵團一下一下摵落去而成。入面有尤魚，蝦米，肉碎等等。味道偏咸。XO醬炒腸粉， 似上左色但無乜味既醬油炒腸粉，食唔出XO醬味～ 小米餃如果有睇我之前既食評都知我好鍾意食煙煙韌韌既野～ 呢個好好食～ 一啖一口～ 唔經唔覺就食曬，會令人想再落單。菜茶由蝦米，蔬菜，冬菇，尤魚干，炒米奇入菜湯而成。 食落幾得意，趣卜卜。味道偏咸。我同朋友食完呢餐飯，狂飲左好耐水， 好口渴～或者係因為潮州菜要咸鮮啦～所以佢地食物都偏向重口味。 如果鍾意食清淡野既朋友，就要考慮下喇!