麻辣派對 (金百利廣場) (Closed)

今晚路過銅鑼灣好想食辣野，就試試呢間麻辣派對。叫左酸菜湯底，揀魚諗住試下剝皮魚，點知完全唔好食，魚淡而無味，酸菜還酸菜，完全好似煮熟左條魚再放入去一齊上檯咁。可能食傳統啲嘅桂花魚會冇事但係我今次就有種中伏嘅感覺。另外仲叫咗辣子田雞份量都OK嘅，但係就覺得炒得唔夠乾身，算合格啦。如果下次大家黎食呢間我就覺得食炒嘅菜好過食水煮魚酸菜魚系列。今次人太少只係試咗兩個餸，其他菜得唔得唔知道，但係我就唔會再嚟啦，香港好食既川菜仲有好多選擇。