Video
Read full review
2021-09-03
315 views
二訪摩登日本菜 Honjo踏入Honjo，猶如置身五十年代嘅摩登餐廳。吊燈、花窗玻璃、藍色天鵝絨卡位、畫作、長長的樹瘤紋木餐桌，雅致不失情調，氛圍輕鬆，唔會太拘謹。餐廳糅合各式食材，塑造出一道道與別不同嘅日本菜式。夜晚黎到唔想諗食咩，就可以試下Honjo嘅Tasting menu (有3款)，vegetarian都岩食架~𝙏𝙃𝙀 𝘿𝙍𝙀𝘼𝙈𝙀𝙍 $680 P.P.𝘞𝘪𝘯𝘦 & 𝘚𝘢𝘬𝘦 𝘱𝘢𝘪𝘳𝘪𝘯𝘨 +$3801️⃣𝙀𝙙𝙖𝙢𝙖𝙢𝙚2️⃣𝙃𝙖𝙢𝙖𝙘𝙝𝙞 𝙥𝙤𝙣𝙯𝙪油甘魚刺身充斥魚油香。當柚子遇上海苔醬，味道竟同酸梅有幾分相似。微酸嘅醬汁 令魚嘅鮮味更為突岀。3️⃣𝙋𝙤𝙧𝙠 𝙗𝙚𝙡𝙡𝙮經慢煮嘅豬腩肉 外層帶焦香，邊邊位微脆，豬肉入味帶咬口，略嫌有少少乾柴。用上honey ponzu作調味，微酸帶醋香 可中和肥膏嘅油脂感。面頭仲有啲好脆嘅蓮藕片。🍾𝙋𝙚𝙧𝙧𝙞𝙚𝙧-𝙅𝙤𝙪𝙚̈𝙩, 𝙈𝙤𝙣𝙩𝙖𝙜𝙣𝙚 𝙙𝙚 𝙍𝙚𝙞𝙢𝙨, 𝙁𝙧𝙖𝙣𝙘𝙚 (𝘾𝙝𝙖𝙢𝙥𝙖𝙜𝙣𝙚)著名經典香檳酒莊 有「巴黎之花」之稱~ 餐廳上酒嘅時候，都用返酒莊花花圖案嘅酒杯。香檳飲落有陣陣花香，淡淡蘋果同梨子味，入口清新，酸度適中。香檳中細緻嘅氣
踏入Honjo，猶如置身五十年代嘅摩登餐廳。吊燈、花窗玻璃、藍色天鵝絨卡位、畫作、長長的樹瘤紋木餐桌，雅致不失情調，氛圍輕鬆，唔會太拘謹。
餐廳糅合各式食材，塑造出一道道與別不同嘅日本菜式。夜晚黎到唔想諗食咩，就可以試下Honjo嘅Tasting menu (有3款)，vegetarian都岩食架~
𝙏𝙃𝙀 𝘿𝙍𝙀𝘼𝙈𝙀𝙍 $680 P.P.
𝘞𝘪𝘯𝘦 & 𝘚𝘢𝘬𝘦 𝘱𝘢𝘪𝘳𝘪𝘯𝘨 +$380
1️⃣𝙀𝙙𝙖𝙢𝙖𝙢𝙚
2️⃣𝙃𝙖𝙢𝙖𝙘𝙝𝙞 𝙥𝙤𝙣𝙯𝙪
油甘魚刺身充斥魚油香。當柚子遇上海苔醬，味道竟同酸梅有幾分相似。微酸嘅醬汁 令魚嘅鮮味更為突岀。
3️⃣𝙋𝙤𝙧𝙠 𝙗𝙚𝙡𝙡𝙮
經慢煮嘅豬腩肉 外層帶焦香，邊邊位微脆，豬肉入味帶咬口，略嫌有少少乾柴。用上honey ponzu作調味，微酸帶醋香 可中和肥膏嘅油脂感。面頭仲有啲好脆嘅蓮藕片。
🍾𝙋𝙚𝙧𝙧𝙞𝙚𝙧-𝙅𝙤𝙪𝙚̈𝙩, 𝙈𝙤𝙣𝙩𝙖𝙜𝙣𝙚 𝙙𝙚 𝙍𝙚𝙞𝙢𝙨, 𝙁𝙧𝙖𝙣𝙘𝙚 (𝘾𝙝𝙖𝙢𝙥𝙖𝙜𝙣𝙚)
著名經典香檳酒莊 有「巴黎之花」之稱~ 餐廳上酒嘅時候，都用返酒莊花花圖案嘅酒杯。
香檳飲落有陣陣花香，淡淡蘋果同梨子味，入口清新，酸度適中。香檳中細緻嘅氣泡，可以突顯海鮮嘅鮮味，完美配搭油甘魚~
4️⃣𝙊𝙩𝙤𝙧𝙤
大拖羅油份豐富，配上柚子豉油，魚味鮮味幾岀，食落清新開胃，無平時嘅咁膩 (不過就無左份滿足感)~ 加上爽口洋蔥、脆脆米菓，口感豐富，都算一道唔錯嘅前菜~
5️⃣𝙒𝙖𝙜𝙮𝙪
薄切和牛口感軟嫩，用上chorizo oil、細香蔥、香脆黎麥作點綴，微辣香口惹味！重口味之選！唯獨唔係好食到牛味。
🥂𝙅𝙚𝙖𝙣 𝙋𝙖𝙪𝙡 & 𝘽𝙚𝙣𝙤𝙞𝙩 𝘿𝙧𝙤𝙞𝙣 𝘾𝙝𝙖𝙗𝙡𝙞𝙨 𝙡𝙚𝙧 𝘾𝙧𝙪 “𝙑𝙖𝙞𝙡𝙡𝙤𝙣𝙨” 𝘾𝙝𝙖𝙧𝙙𝙤𝙣𝙣𝙖𝙧𝙮 2016 𝘽𝙪𝙧𝙜𝙪𝙣𝙙𝙮, 𝙁𝙧𝙖𝙣𝙘𝙚 (𝙬𝙝𝙞𝙩𝙚 𝙬𝙞𝙣𝙚)
6️⃣𝙎𝙖𝙨𝙝𝙞𝙢𝙞
厚切三文魚、吞拿魚、油甘魚 正正常常 唔算特別鮮甜~
7️⃣𝙎𝙪𝙨𝙝𝙞
同樣為三文魚、吞拿魚、油甘魚~ 正常發揮，壽司飯唔會過乾過硬。油甘魚上有柚子胡椒作點綴~
🍶𝙃𝙤𝙠𝙪 𝙎𝙝𝙞𝙠𝙖 𝙆𝙞𝙢𝙤𝙩𝙤, 𝙃𝙤𝙣𝙟𝙤𝙯𝙤, 𝘼𝙠𝙞𝙩𝙖, 𝙅𝙖𝙥𝙖𝙣 (𝙎𝙖𝙠𝙚)
清酒入口清爽滑順，帶點香蕉糕味。搭配壽司刺身能突顯其鮮味，相得益彰。
8️⃣𝙃𝙤𝙣𝙟𝙤 𝙏𝙚𝙢𝙥𝙪𝙧𝙖 𝙎𝙚𝙡𝙚𝙘𝙩𝙞𝙤𝙣
係菇菇菇天婦羅~ 炸皮超脆，咬落卡卡聲，薄身唔油膩，菇嘅水份然被鎖住。天婦羅沾醬同平時嘅有啲唔同，帶微酸。另附有抹茶粉、岩鹽、七味粉等供灑上。不過抹茶粉以鹹味為主，就唔算太特別。
9️⃣𝙎𝙝𝙤𝙧𝙩 𝙍𝙞𝙗
牛肉叫左三成熟，火喉岩岩好~ 肉質軟腍juicy帶焦香，肥膏位油脂感超重！超綠嘅阿根廷青醬散發住陣陣草青味，不過食落又幾fresh，可以一消牛嘅油膩。
🔟𝙏𝙖𝙠𝙖𝙣𝙖 𝙛𝙞𝙧𝙚𝙙 𝙧𝙞𝙘𝙚
炒飯炒得好乾身，帶微辣幾惹味，不過真係重口味左啲。
🍷𝙒𝙤𝙤𝙙𝙨𝙩𝙤𝙘𝙠 𝙎𝙝𝙞𝙧𝙖𝙯 2016, 𝙈𝙘𝙇𝙖𝙧𝙚𝙣 𝙑𝙖𝙡𝙚, 𝘼𝙪𝙨𝙩𝙧𝙖𝙡𝙞𝙖𝙣 (𝙍𝙚𝙙 𝙬𝙞𝙣𝙚)
紅酒質地順滑，單寧適中，入口有濃濃黑莓、黑櫻桃同黑胡椒嘅味道。濃味油膩嘅牛肉配上紅酒最好不過，油膩感可隨之減低。
1️⃣1️⃣𝙈𝙖𝙩𝙘𝙝𝙖 𝙡𝙖𝙫𝙖
抹茶心太軟要趁熱食 先會有流心！蛋糕濕潤軟綿，抹茶流心屬大眾濃度，入口帶些微抹茶嘅苦澀 與白朱古力嘅香甜。可用外層微脆嘅餅乾沾上流心，或配搭雲呢嗱雪糕感受其冷熱交融。
🍶𝙈𝙖𝙣𝙯𝙖𝙞𝙧𝙖𝙠𝙪 𝙆𝙖𝙜𝙖 𝙐𝙢𝙚𝙨𝙝𝙪, 𝙄𝙨𝙝𝙞𝙠𝙖𝙬𝙖, 𝙅𝙖𝙥𝙖𝙣 (𝙁𝙡𝙖𝙫𝙤𝙪𝙧𝙚𝙙 𝙨𝙖𝙠𝙚)
🧀𝙆𝙪𝙧𝙤𝙢𝙞𝙩𝙨𝙪 𝙘𝙝𝙚𝙚𝙨𝙚𝙘𝙖𝙠𝙚 $110
為呢餐畫上完美嘅句號！撻皮極脆，切開竟然有流心！流心富芝士咸香，配埋旁邊嘅糖漬菠蘿，甜甜鹹鹹唔錯呢~
Post
