粵 (香港黃金海岸酒店)

Open Now

Now Closed

遊車河去黃金海岸，見間中菜食評好就試吓。其實佢都有講要坐門口位，但個門口係卡位，好多住客行來行去。但我覺得餐廳入面未必fully book。去食飯要早啲book。我明白卡位難清潔，但我哋見地下有用過tissue…叫咗無花果鹹檸雞煲，好特別煲入面有新鮮同乾無花果、鹹檸酸酸地、仲有坐雞肉同雞蛋，成個煲好有新鮮感。其他地方應該無。焗蟹蓋超級足料好多蟹肉，上枱仲熱辣辣，好香，一個人食應該飽咗。羊肚菌扒遼參燒豆腐，都好嘢味。荷葉飯，上枱好香，好足料。流沙包係見附近order 就跟著叫，不過無乜斑蘭味，又唔流沙，當普通奶黃包食。棗皇糕，我個人比較鍾意彈牙有口感，但屋企人喜歡呢個軟硬度。